Dievas lassiárvobuhtadus valástallanrusttegiida 2015:s

Ráđđehus árvala ođđa salderejuvvon stáhtabušeahtas 48,1 mill. kruvnnu lassijuolludeami lassiárvobuvttadussii valáštallanrusttegiid huksendoaimmaid oktavuođas. Dat mielddisbuktá ahte buot ohccit ožžot juolluduvvot olles ohcansupmi.

Ruhtadanministtar Siv Jensen ja kulturministtar Thorhild Widvey Manglerud Ishallas.
Ruhtadanministtar Siv Jensen ja kulturministtar Thorhild Widvey Manglerud Ishallas. Govva: Ketil Frøland/Kulturdepartemeanta

- Ráđđehusa lassijuolludanárvalusa mielde dohkkehuvvojit buot 407  ohcamuša  dán jagi. Dat lea mávssolaš valáštallanservviide ja joavkkuide miehtá riikka, cealká kulturministtar Thorhild Widvey.

Listu mii čájeha álgojuolludemiid, ja dál ožžot buohkat juolluduvvot olles ohcansupmi: Lotteriija- ja vuođđudusbearráigeahču dán jagáš ohcanlistu fylkkaid- ja gielddaid mielde (girjegillii)

- Valáštallanrusttegat leat erenoamáš mávssolaččat dasa ahte báikkálaš servodagain sáhttet lágidit valáštallandoaimmaid miehtá Norgga. Báikkálaš valáštallansearvvit ja joavkkut servet áŋgirit rusttegiid huksendoaimmaide. Ráđđehussii lea mávssolaš ásahit buriid rámmaeavttuid valáštallanservviide ja joavkkuide mat huksejit rusttegiid, dadjá Thorhild Widvey.    

- Ohcansupmit leat sakka lassánan dáid maŋimuš jagiid, ja dat čájeha ahte buhtadanortnet deavdá stuorra dárbbu. Ráđđehus háliida vuoruhit ortnega mii bures doaibmá ohcciid ektui, dadjá stáhtaráđđi Widvey.

Lotteriija- ja vuođđudusbearráigeahčču lea 2015:s máksán 123,8 miljovnna kruvnnu buhtadusa, 407 ohcamuša vuođul. Ollislaš dohkkehuvvon ohcamat ledje 171,9 miljovnna kruvnnu ovddas. Ráđđehusa 48,1 miljovnna kruvnnu sturrosaš juolludanárvalusa bokte ožžot buot ohccit juolluduvvot olles ohcansupmi.