Romssa ja Finnmárkku fylkkamánne

Elisabeth Aspaker lea otne stáhtaráđis nammaduvvon fylkkamánnin Romssa ja Finnmárkku fylkkamanneámmáhii.

– Mii oažžut bargui mielde čeahpes nissonolbmo geas lea viiddis ja nanu duogáš, cealká gielda- ja ođasmahttinministtar Jan Tore Sanner.

Fylkkamánneámmáhat Romssas ja Finnmárkkus ovttastahttojuvvojit ođđajagimánu 1.b.2019 rájes. Seammás ásahuvvo Romssa ja Finnmárkku fylkkamánneámmát. Aspaker lea otne nammaduvvon fylkkamannin ođđa  oktasaš ámmáhii.

Elisabeth Aspaker lea 54 jagi boaris ja doaibmá stuoradiggeáirrasin olggos čakčamánu. Son nammaduvvui Romssa fylkkamánnin geassemánu 6.b.2014, muhto luohttevašdoaimmaid geažil son ii álgge ođđa ámmáhii ovdal skábmamánu 1.b. Aspaker lea oahppan oahpaheaddji ja son lea čađahan máŋga fága Hársttak Allaskuvllas. Jagi 2001 rájes lea son 100 proseantta bargan aktiivvalaččat  politihkalaš áššiiguin  (politihkalaš ráđđeaddi, stáhtačálli ja stuoradiggeáirras). Áigodagas 2013-2016 lea Elisabeth Aspaker leamaš sihke Ealáhus- ja guolástusdepartemeantta ja Olgoriikadepartemeantta stáhtaráđđin. Sus leat leamaš ollu iešguđetlágan luohttevašdoaimmat; earret eará stivrajođiheaddjin ja stivralahttun iešguđet doaimmain ja máŋggalágan luohttevašdoaimmat Olgešbellodagas.    

Gielda- ja ođasmahttindepartemeantta preassatelefovdna: 22 24 25 00