Gaskaboddosaš jávkannjuolggadusat leat mearriduvvon

Informasjon om koronasituasjonen endrer seg raskt og kan derfor være utdatert. 

Sjekk temasiden Koronasituasjonen for siste nytt fra regjeringen, eller Helsenorge.no for oversikt over råd og regler om koronaviruset på samisk.

Vuossárgga borgemánu 24.beaivvi rájes gitta golggotmánu maŋimuš beaivvi rádjai eai dárbbaš oahppit doavtterduođaštusa iežaset fástadoaktáris duođaštit jávkama. Oahppit geain lea dábálaš nuorvvu ja čottabávččas galget bissut ruovttus.

Mearriduvvon jávkannjuolggadusat leat sullii dat seammá go dat mat sáddejuvvojedje gulaskuddamii. Gaskaboddosaš njuolggadusat mat gusket dasa mo jávkan galgá čállojuvvot oahppoduođaštussii ja gelbbolašvuođaduođaštussii spiehkastit gulaskuddanevttohusas.  Rievdadusat mat doibmet gaskaboddosaččat:

  • Borgemánu 24.beaivvi 2020 rájes gitta golggotmánu 31.beaivvi 2020 rádjai eai dárbbaš oahppit duođaštit jávkama joatkkaskuvlla obbalaš jávkannjuolggadusaid vuođul. Oahppit galget dattetge čájehit iešdieđáhusa dahje duođaštusa váhnemiin (oahppit badjel 18 jagi)
  • Buozalmasjávkan borgemánu 24.beaivvi rájes gitta golggotmánu 31.beaivvi rádjai ii galgga čállojuvvot loahppaduođaštussii dahje gelbbolašvuođaduođaštussii. Dat gusto sihke vuođđoskuvlii ja joatkkaskuvlii.
  • Oahppit geat čakčat 2020 leat válljen čađahit Jo4 oppalaš studerengelbbolašvuođa lasáhusa, ja sii geat ovdal skábmamánu 1.beaivvi čađahit ja cevzet fága- dahje sváinnasiskosa mii maŋiduvvui covid-19-njoammudávdda geažil, galget čuovvut gaskaboddosaš jávkannjuolggadusaid. Jávkan ii galgga čállojuvvot loahppaduođaštussii iige gelbbolašvuođaduođaštussii.

Gaskaboddosaš jávkannjuolggadusat evttohuvvojedje mannan vahkus ja leat maid leamaš gulaskuddamis.