Geahpádusat opmodatvearus

Ráđđehus evttoha heaittihit opmodatvearu mášiinnain ja gullevaš rusttegiin, ja čavget opmodatvaearu máksomeari dábálaš viesuide.

– Go mii heaittihat opmodatvearu mašiinnain ja gullevaš rusttegiin, de dat lea stuora ávkin industriijai ja mielddisbuktá ahte bargosajit suddjejuvvojit, lohká finánsaministtar Siv Jensen (OB). Evttohus čuovvula Sundvolden-julggástusa čuoggá ahte heaittihit opmodatvearu mašiinnain. 

Rievdadusat mearkkašit ahte buvttadandávviriin ja –rusttegiin ii galgga šat meroštallat opmodatvearu. Kategoriija buvttadandávvirat ja rusttegat galgá sihkkojuvvot.  Mihttomearri lea ahte opmodatvearu meroštallan galgá leat einnostahtti ja ahte buvttadandávviriin ja

– rusttegiin galget leat seammalágan vearronjuolggadusat go eará ealáhusopmodagain.

Evttohus addá suohkaniidda uhcit boađuid, muhto fitnodagaide ja bargosajiide buoret eavttuid, mii suohkaniidda maid lea dehálaš. Rievdadusat eai gusto čáhcefápmorusttegiidda, bieggafápmorusttegiidda ja petrolea guoskevaš rusttegiidda mat vearuhuvvojit erenoamážit. 

Ráđđehus evttoha sirdásanortnega 5 jagi badjel buoridan dihte dilálašvuođa suohkaniin. Ráđđehus evttoha ahte ođđa njuolggadusat galget doaibmagoahtit 2019 rájes, ja sirdásanortnet galgá doaibmat 2023 lohppii.  

– Eanet einnostahtti ja dássedis rámmaeavttut leat dehálaččat sihke fitnodagaide já ássiide vai sáhttet plánet iežaset ekonomiija, cealká finánsaministtar Siv Jensen. 

Ráđđehus evttoha geahpedit opmodatvearu bajismus máksomearri beliin vuosttas jagi, 2 promilles 1 promillii, hehtten dihte ássiid máksimis opmodatvearu mii dađis lassána. Dás duohku galgá leat vejolaš bajidit máksomeari dušše 1 promilliin, iige 2:n.

Loga eanet Prop. 1 LS (2017-2018) Skatter, avgifter og toll 2018 čuokkis 7.1.