Aktiver Javascript i din nettleser for en bedre opplevelse på regjeringen.no

Lihkku Sámiálbmot beivviin

Odne lea Sámiálbmot beaivi, ja mii ávvudat sámiid ja sápmelašvuođa ja erenoamážit boazodoalu mii lea dehálaš sámi ealáhus.

Boazosápmelaš
Boazosápmelaš Govva: Tom Gustavsen/Bohccobierggu márkanlávdegoddi
  • Eanadoalloministtarin mun lean stáhtaráđđi olles árvogollosii mii guoská duoddara rájes borranbeavddi rádjai. Lean sihke čeavlái ja dovddan vuollegašvuođa dan ektui. 

  • Boazodoallu ealáhussan, kultuvran ja eallinvuohkin lea áibbas erenoamáš sihke nationála ja riikkaidgaskasaš oktavuođas. 

  • Boazodoalloealáhusas lea buorre ja guoddevaš resursageavaheapmi, ja doaimmahuvvo marginála várre- ja meahcceguovlluin. Boazodoalus lea stuora mearkkašupmi ealáhuseallimii muđui, ja lea dehálaš sámi kulturguoddi ja kulturovddideaddji ealáhus. 

  • Bohccobiergu lea duoddara máhku. Bohccot guhtot duoddariin, čuvvot jahkodatvariašuvnnaid ja duovdagiid.

  • Bohccobiergu lea maid kulturmáhku. Boazodoallu lea vuođđuduvvon máŋggaid čuohtejagiid árbevieruide ja eallinvuohkái mii elliid dárbbuide lea heivehuvvon. Bohccobierggus lea historjá ja dat buvttaduvvo luonddu eavttuid vuođul.

  • Norgga geavaheaddjit leat fuomášan ahte bohccobiergu lea njálgga. Boazodoalu biergobuvttadeapmi, ja márkanlávdegotti ja bohccobiergosuorggi systemáhtalaš bargu leat positiivvalaččat váikkuhan bohccobiergomárkana ovdáneapmái maŋimuš jagiid.

  • Ollugat jearahit bohccobierggu. Árvogoallus duoddaris beavdái lea positiivvalaččat ovdánan. Bohccobierggu buvttadeaddjihaddi lea sakka lassánan ja lea dál sullii duppal geardde eanet go dalá maŋŋá finánsaroasu. 

  • Boazodoallu lea bearašvuđot ealáhus. Bearašvuđot ealáhus ovdána buoremusat jos ealáhusas lea buorre buvttadeapmi ja gánnáheapmi.

  • Boazodoallu lea guhká márkanfievrriduvvon Norgga mátkeealáhusa bealis. Dán áiggi olbmot háliidit eambbo albma, luondduvuđot ja oadjebas vásáhusaid. Boazoealáhusas lea vejolaš fállat dakkár vásáhusaid.

  • Boazodollui vuođđuduvvon mátkeealáhusas leat ollu vejolašvuođat. Mátkeealáhusdoaimmaid bokte sáhttet boazodoallobearrašat oažžut eanet vejolašvuođaid, ja sisaboađu mii nanne bearašdoalu ekonomalaččat.

  • Mun illudan eambbo oahpásmuvvat boazodoalloealáhusain ja háliidivččen deaivat aktiivvalaš boazodolliid.

  • Munnje lea dehálaš deaivat boazodolliid ja oahppat eanet boazodoalu birra, muhto maiddái gullat makkár hástalusat ja vejolašvuođat dán ealáhusas leat.

  • Mu mihttomearri boazodoalloministtarin lea fievrridit politihka mii sihkkarastá, ovddida ja nanne boazodoalu ealáhussan.

  • Læhkoeh biejjine – Vuorbbe biejvijn – Lihkku beivviin – Gratulerer med dagen!

Det samiske flagget.
Bajás