Historjjálaš arkiiva

Golle málesbottut 2016 gilvu lea álggahuvvon

Historjjálaš arkiiva

Almmustahttináigodat Solberga ráđđehus

Almmustahtti: Eanandoallo- ja biebmodepartemeanta

Eanadoallo- ja biebmoministtar Jon Georg Dale bivdá buot riikka sátnejođiheddjiid movttiidahttit iežaset gieldda boarrásiidásahusaid dieđihit gilvui Golle málesbottut 2016. Dán jagáš gilvvu ulbmil lea gávdnat ja rámidit daid ásahusaid mat earret eará deattuhit geavaheaddjisearvama, vuoruhit báikkálaš biebmu ja dan ahte ássit ieža besset válljet biebmu.

– Dán jagi ovttasbargat Geavaheaddjiráđiin. Sii deattuhit dan ahte geavaheaddjit ieža galget beassat válljet biebmu, besset oassálastit ja ahte geavaheaddjit ja oapmahaččat besset váikkuhit biebmoráhkadeapmái ja biebmodoaimmaide, cealká Jon Georg Dale. Gilvu lea dehálaš váikkuhangaskaoapmi buoridit biebmodili vai boarrásat beaivválaččat ožžot biebmu masa liikojit ja mas lea alla kvalitehta. Málesboddu galgá leat okta beaivvi stuorámus dáhpáhus, ja dán jagi gilvvu mihttomearri lea boktit beroštumi borranbeavddi birra. Borranillu lea dehálaš ja dainna mii lihkostuvvat jos searvadahttit ássiid ja sin oapmahaččaid, ja jos geavahat báikkálaš borramušgálvvuid, dadjá eanadoallo- ja biebmoministtar.

Eanadoallo- ja biebmoministtar Jon Georg Dale, Randi Flesland (t.v.), Geavaheaddjiráđi, Christin Engelstad, Seniorsaken.
Eanadoallo- ja biebmoministtar Jon Georg Dale, Randi Flesland (t.v.), Geavaheaddjiráđi, Christin Engelstad, Seniorsaken. Govva: Eanadoallo- ja biebmodepartemeanta

Buot riikka boarrásiid- ja buhcciidruovttut ožžot dievaslaš dieđuid gilvvu birra. Dan lassin gávdnojit dieđut maiddái Eanadoallo- ja biebmodepartemeantta,  Geavaheaddjiráđi ja buot fylkkaid Fylkkamánne neahttasiidduin. 

Vuoiti válljejuvvo čakčamánus. Dán jagi vuoitu lea 10.000,- kr ja diploma ja ollu gudni.

Golle málesbottut 2016 gilvu čađahuvvo cuoŋománu 20.b.rájes gitta miessemánu 20.b.2016 rádjai.