Háliida eastadit narkotihka geavaheami norgga skuvllain

Dat lea oalle dábálaš vuovdit narkotihka joatkkaskuvlašiljus ja dat ahte oahppit geavahit gárrenmirkkuid skuvlaáiggis. Dan duođaštit sihke skuvllat ja politiijat. Narkotihkkafriddja skuvllat lea áŋggirdeapmi maid justiisa- ja gearggusvuođaministtar Anders Anundsen dán vahkus lea bidjan johtui.

Dat lea oalle dábálaš vuovdit narkotihka joatkkaskuvlašiljus ja dat ahte oahppit geavahit gárrenmirkkuid skuvlaáiggis. Dan duođaštit sihke skuvllat ja politiijat. Narkotihkkafriddja skuvllat lea áŋggirdeapmi maid justiisa- ja gearggusvuođaministtar Anders Anundsen dán vahkus lea bidjan johtui.    

Joatkkaskuvllat buot riikka 12 politiijaguovllus ožžot politiijaid guossin. Áigumuš lea hehttet mánáid ja nuoraid geavaheamis narkotihka.

-Mii fertet eanet áŋgiruššat dan ovdii ahte nuorat eai galgga gillát daid negatiivva váikkuhusaid maid narkotihkkageavaheapmi mielddisbuktá. Dat lea dehálaš ahte nuorat ožžot rivttes dieđuid, vai sis lea vuođđu gieldit jos muhtun sidjiide fállá narkotihka, ja vai sii ipmirdit mii dáhpáhuvvá jos sii válljejit boastut, dadjá justiisa- ja gearggusvuođaministtar Anders Anundsen (OvB).

Badjel 20 proseantta bártniin geat leat joatkkaskuvlla goalmmát luohkás leat geahččalan borgguhit hášša dahje marihuana.  Ja nieiddaid lohku lea gis 14 proseantta.

-Lea dehálaš ahte mii vuoruhat eastadeaddji doaibmabijuid. Skuvllain, váhnemiin ja politiijain leat erenoamáš ovddasvástádus. Nuorat geat geavahit narkotihka sáhttet oažžut duođalaš fysalaš ja psyhkalaš vigiid ja dávddaid, cealká Anundsen.

Justiisa- ja gearggusvuođaministtar Anders Anundsen leai odne mielde čalmmustahttimin “narkotihkkafriddja skuvllat” Stovner joatkkaskuvllas. Ovttas Norgga Narkotihkkapolitiijaservviin, rektoriin ja Alna gávpotosiin beasai son ohppiiguin ságastit ja divaštallat.   

Nationála áŋggirdeapmi narkotihkkafriddja joatkkaskuvllaid ovdii, skuvlajagi 2016 álggus (girjegillii, PDF)