Heaittihit čoagginregisttarlága

Almmustahttináigodat Solberga ráđđehus

Almmustahtti: Kulturdepartemeanta

Ráđđehus áigu heaittihit čoagginregisttarlága. Dat mearkkaša ahte Norgga láhkamearrádusat eai šat regulere Čoagginregistara, muhto dat sáhttá jotkojuvvot priváhta organisašuvnnaid bokte. Lága heaittiheapmi čuovvu ráđđehusa politihkalaš ulbmila ahte álkidahttit njuolggadusaid ja byrokratiija.

Leaŋka Čoagginregisttarlága heaittihanárvalussii (ođđadárogillii)

-Mii heaittihat lága go dat lea čájehuvvon ahte dát láhka lea dárbbašmeahttun, ja iige doaimma nu bures stuora ruhtačoagginorganisašuvnnaid ektui, cealká kulturministtar Thorhild Widvey.   

Sihke smávva ja stuora organisašuvnnat geavahit ruhtačoaggimiid ruhtadit ollu iešguđetlágan doaimmaid ja áigumušaid. Ruhtačoaggimat nannejit organisašuvnnaid iešheanalaš ja iešráđđejeaddji rolla, ja buvttihit stuorit legitimitehta dan bargui maid organisašuvnnat dahket.  

-Eaktodáhtolaš organisašuvnnaide leat priváhta ruhtaskeaŋkkat hirbmat mávssolaččat. Mus lea luohttámuš dasa ahte organisašuvnnat áimmahuššet ruhtaaddiid beroštumiid ja sihkkarastet ahte ruhtaskeaŋkkat geavahuvvojit mearriduvvon ulbmiliid mielde, dadjá Widvey. 

Vuođđudus Čoagginbearráigeahčču lea 1991 rájes gozihan ahte ruhtačoaggimat čađahuvvojit dohkálaččat ja maiddái ruhtahálddašeami, ja dat beassá ieš mearridit joatká go ruhtačoagginbearráigeahču ortnega maŋŋil go čoagginregisttarláhka heaittihuvvo.