Heaittihit divada boazodoalu ealáhusfievrruin

2018 stáhtabušeahtas áigu ráđđehus evttohit heaittihit divadiid ealáhusfievrruin mat ostojuvvojit boazodollui. Evttohit ahte muohtaskohteris, ATV:s ja mohtorsihkkelis váldojuvvo eret divat, seamma ládje nu go lea ásahuvvon eanandoalu ealáhusfievrruide. Ortnet ráddjejuvvo daidda boazodolliide geat leat registrerejuvvon lasseárvodivatregisteris. Divada heaittiheapmi čađahuvvo nu jođánit go vejolaš 2018:s.

Solberg ráđđehusas lea politihkalaš ulbmil ovddidit boazodoaloealáhusa rašunála ja márkanfokuserejuvvon ealáhussan mii lea nanus ja bistevaš guhkit áiggiid vuollái. Dat mearkkaša ee. ahte boazodoallit, geain lea boazodoallu váldoealáhussan, galget meannudemiid ektui adnojuvvot ealáhusbargin. Dáinna vuolggasajiin, lea ráđđehus iežas politihkas konkretiseren ahte boanddat ja boazoeaiggádat galget meannuduvvot seamma ládje mii guoská ealáhusfievrruid divadiidda. Ealáhus lea máŋggaid jagiid juo gáibidan dán divada heaittihuvvot. «Boazodoalu ovddideami ektui ealáhussan, de lea mu mielas dál sihke dehálaš ja riekta ahte miehtagoahtit heaittihit divadiid fievrruin mat adnojuvvojit boazodoalus. Mun lea danne hui duhtavaš go ráđđehus dál maiddái váldá dán nai čuoggá vuhtii ráđđehusa vuođđovuogádagas», dadjá Eanandoallo- ja biebmoministtar Jon Georg Dale.