Historjjálaš arkiiva

Čavčča bohccobiergu dál buvddain

Historjjálaš arkiiva

Almmustahttináigodat Solberga ráđđehus

Almmustahtti: Eanandoallo- ja biebmodepartemeanta

Bohccuid leat njuovvagoahtán ja buvddain fidne fas varas bohccobierggu. Leat gulastan ahte dán jagi bierggus lea buorre kvaliteahtta.

2020 dálvi ja giđđa lei garas boazodollui. Ollu muohttaga geažil lei lossat guohtut, ja dat vuhttui boazodoalus. 2020 njuovvanlogut ledje 40 proseantta unnibat go 2019 logut.

– Sámi sátnevádjasa mielde jahki ii leat jagi viellja. Dán jagi leat guohtumat leamaš buorit. Dat lea buorre bohccui – ja badjealbmáid bargu lea leamaš sakka geahppasut. Buorit guohtumat addet maid buori bierggu sidjiide, geat háliidit Norgga bohccobierggu iežaset tallerkii, dadjá eanandoallo- ja biebmoministtar Olaug Bollestad. 

Go alla dási bohccobiergu lea fidnemis, dat addá ollu vejolašvuođaid.
Go alla dási bohccobiergu lea fidnemis, dat addá ollu vejolašvuođaid. Govva: MatPrat

Buorit njuovvandeattut

Dán jagi njuovvagohte ovddemuš máttimus boazoservviin, nu mo jo lávejit. Fram boazosearvvis dieđihit gálbbiid gaskamearálaš deaddun 21,9 kilo. Fram boazosearvvi miesit leat guhton 111 beaivvi. Nuba gálbbit leat losson 197 grámma beaivái. Lohku lea allat, ja dat vuhttoge bierggu kvaliteahttaluohkáin, maid dál olahit.

Norggas sihtet borrat eanet bohccobierggu

Márkana várás leat ovddidan ođđa buktagiid ja málestanrávvagiid ođđa geavaheaddjejoavkkuide. Nu leat eambo olbmot fuomášišgoahtán bohccobierggu. Bohccobierggus atnet dearvvašleamos biergun ja biergun, mas lea eanemustá máhku. Guorahallamat čájehit, ahte Norggas háliidit borrat eanet bohccobierggu. Biergu lea šaddan bivnnuhabbon, vaikko olbmot iežat atnet iežaset diehtit unnán dan birra. Sii háliidit nappo eanet dieđuid das mo bierggus málestit, ja háliidit maid diehtit mo Norggas barget boazodoaluin.

Go alla dási bohccobiergu lea buorebut fitnemis, de dat buktá ollu vejolašvuođaid. Lea álki málestit bohccobierggus, iige leat stuorra erohus bohccobierggu ja eará biergguid gaskkas. Matprat leat ovddidan ollu málestanrávvagiid inspirašuvdnan vai besset vásihit movtta málesteames. Leat maid ráhkadan diehtofilmmaid, mat čájehit mo málestit bohccobierggus, ja vai olbmot diehtigohtet eanet badjedili birra. Oza - MatPrat