Historjjálaš arkiiva

Jagi 2019 reviderejuvvon nationálabušeahtta:

Jagi 2019 reviderejuvvon nationálabušeahta váldologut

Historjjálaš arkiiva

Almmustahttináigodat Solberga ráđđehus

Almmustahtti: Ruhtadandepartemeanta

Ruhtadandepartemeanta almmuha ovtta oasi váldologuin ovdal go reviderejuvvon nationálabušeahtta almmuhuvvo diibmu 10:45 vai buohkat besset árvvoštallat dieđuid mat sáhttet leat sensitiiva gálvomárkana ektui. Dárkilis meroštallojuvvon tabealla almmuhuvvo oktanaga reviderejuvvon nationálabušeahtain.

Norgga ekonomiijas lea buorre ovdáneapmi. Jagi 2019 reviderejuvvon nationálabušeahta meroštallama vuođul Nannán-Norgga BNP lassána 2,7 proseanttain dán jagi ja 2,5 proseanttain boahtte jagi. Dat lea allelis go meroštallojuvvon guhkesáiggi lassáneapmi.

Bargomárkandilli lea sakka ovdánan, ja bargguhisvuohta lea ollu njiedjan miehtá riikka. Barggolašvuohta lea mealgat lassánan. Barggolašvuohta lea leamaš hui vuollin, muhto dál dat lea lassánišgoahtán. Vuordimis bargguhisvuohta njiedjá 3,8 proseanttas 3,7 ja 3,6 prosentii dán jagis boahtte jahkái, AKU árvvoštallama mielde.

2019 bušeahttaimpulsa meroštallojuvvo 0,5 prosentii, mii lea allelis go diimmá čavčča bušeahtas. Duogáš lei vuosttamužžan dat go diimmá ruhtageavaheapmi lei vuollelis go plánejuvvon. 2018 impulsa lea dál negatiivva. Jos jagi 2018 ja 2019 geahččat ollislaččat, de oaidnit ahte ruhtadanpolitihkka lea dadjat juo neutrála.

Ráđđehusa 2019 Reviderejuvvon nationálabušeahttaevttohusas meroštallojuvvo ahte oljoboađuid geavaheapmi lea 238 mrd. ruvnno, mihtiduvvon struktuvrralaš, oljomuddejuvvon vuolláibáhcagiin. Dat vástida 2,9 proseantta Stáhta olgoriikka penšunfoandda kapitálas jagi álggus, mii lea veaháš eanet go maid diimmá čavčča meroštedje. Alla geavahanproseantta duogážin ledje earret eará eahpestáđis ruhtamárkanat čakčat ja dálvit, mat njeide SPU árvvu, nu ahte foandda árvu lei sullii 500 mrd. ruvnno vuollelis jagi álggus go dat mii diimmá čavčča bušeahtas lei meroštallojuvvon.

Tabealla: Reviderejuvvon nationálabušeahta 2019 ekonomiija váldologut1

 

2018

2019

2020

Bruttonationálabuvtta Nannán-Norga

2,2

2,7

2,5

Barggahus, olbmot

1,5

1,4

0,8

Bargguhisvuođalogut, AKU (dássi)

3,8

3,7

3,6

Struktuvrralaš, oljomuddejuvvon bušeahttavuolláibáza mrd. 2019-ruvnno

219,9

238,1

 

Bušeahttaimpulsa2

-0,4

0,5

 

SPU-golut3

2,5

2,9

 

¹ Proseanttalaš rievdadus jos eará ii leat almmuhuvvon.
2 Struktuvrralaš oljomuddejuvvon vuolláibáza proseantan BNP-Nannán-Norggas. Ovddit jagi rievdadus lea proseantaovttadaga mielde.
3 Struktuvrralaš, oljomuddejuvvon vuolláibáza proseantan Stáhta olgoriikka penšunfoandda (SPU) kapitálas jagi álggus.

Gáldut: Statistihkalaš guovddášbyrå ja Ruhtadandepartemeanta