Guovlluid doaimmat muddejuvvojit

Informasjon om koronasituasjonen endrer seg raskt og kan derfor være utdatert. 

Sjekk temasiden Koronasituasjonen for siste nytt fra regjeringen, eller Helsenorge.no for oversikt over råd og regler om koronaviruset på samisk.

Dearvvašvuođadirektoráhtta ja Álbmotdearvvašvuođainstituhtta leat árvvoštallan guovlluid doaibmadásiid ollislašvuohtan, ja leat árvalan muhtun rievdadusaid. Ráđđehus lea čuvvon ávžžuhusa. Eanaš rievdadusat bohtet fápmui gaskaija, vuossárgga, miessemánu goalmmát beaivvi, čuovganeapmái.

Cuoŋománu 15. beaivve dahkkojuvvojedje gaskaboddasaš rievdadusat A-doaibmadássái (guovlluid čavgadeamos doaibmadássái). Rievdadusat šaddet dál bissovažžan.

Ráđđehus lea maid mearridan čuovvovaš rievdadusaid, mat leat fámus vuossárgga, miessemánu goalmmát beaivvi rájes:

Oktasaš golmma doaibmadássái A, B ja C:

  • Rávesolbmuidoahpahus, searvadahttinoahpahus, mii lágiduvvo introduksjonsloven ja integreringsloven (searvadahttinlága) vuođul, ii šat muddejuvvo doaibmadásiid bokte. Gielddat mearridit ieža makkár ráddjehusat gustojit.

  • Bargit eai šat sáhte geavahit olles ámadaju suoji njálbme- ja njunnesuoji sajis dakkár diliin, main ii sáhte doallat gaskka gussiide, daningo olles ámadaju suoji váikkuhus ii leat doarvái bures duođaštuvvon.

Doaibmadássi B:

  • Universiteahtat, allaskuvllat ja fágaskuvllat sáhttet dál lágidit dábálaš oahpahusa joavkkuide, main leat eanemustá 10 olbmo.
  • Sáhttá lágidit gaskaboddasaš olgomárkaniid.
  • Hávdádusaide ja daidda gullevaš seremoniijaide besset oassálastit eanemustá 50 olbmo. Dát rievdadus boahtá fápmui gaskaija, vuossárgga miessemánu 10. beaivvi čuovganeapmái.

Doaibmadássi C:

  • Gielddat besset fállat ássiidasaset vuodjanfálaldaga

Dárkileappot guovlluid eastadandoaimmaid birra
Ráđđehus sáhttá mearridit gildii ja dan birastahtti gielddaide eastadandoaimmaid, go lea mávssolaš koordineret ja oažžut ráddjehusaid sadjái johtilit, amas njoammun leavvat menddo.

Dat, guđe doaibmadássi gielddaide válljejuvvo, čuovvu das man sakka dávda lea leavvagoahtán. Leat golbma doaibmadási: Doaibmadássi A (ereliiggán čavga doaibmadássi), doaibmadássi B (čavga doaibmadássi) ja doaibmadássi C (oalle čavga doaibmadássi).

Dáppe leat logahallojuvvon iešguđet dásiid ráddjehusat.