Historjjálaš arkiiva

Stáhtabušeahtta 2019

Kártet Davvi Barentsábi petroleumresurssaid

Historjjálaš arkiiva

Almmustahttináigodat Solberga ráđđehus

Almmustahtti: Oljo- ja energiijadepartemeanta

Ráđđehus evttoha geologalaš iskamiidda lasihit 50 miljovnna ruvnnu mii mielddisbuktá ahte gelbbolašvuođaháhkan ja kártenbargu Davvi Barentsábi petroleumresurssaid birra sáhttá joatkašuvvat.

-Gelbbolašvuohta lea mearrideaddjin sihke buori resursahálddašeapmái ja dasa ahte áimmahuššat nationála ekonomalaš beroštumiid. Dan dihte lea ge dehálaš ahte  kártenbargu Barentsábi petroleumresurssaid birra joatkašuvvá, ja erenoamážit rádjaguovlluin gos lea vejolaš gávdnat oljju, dadjá oljo- ja energiijaministtar Kjell-Børge Freiberg (OvB).

Dušše Norgga eiseválddiin lea vejolaš ohcat oljoresurssaid daid guovlluin maidda Stuoradiggi ii leat addán lobi álggahit oljodoaimmaid. Evttohuvvon geologalaš kártenbarggu ulbmil lea čađahit seismihkalaš iskamiid, mat leat hui dehálaččat vai oažžut dehálaš dieđuid Barentsábi geologiijas ja buoret máhtolašvuođa guovlluid birra mat leat goabbat beale Norgga ja Ruošša juohkolinnjá gos sáhttá leat vejolaš gávdnat oljoresurssaid.   

Evttohusa mielde jotkojuvvo geologalaš kártenbargu maid Oljodirektoráhta lea čađahan maŋimuš jagiid oažžun dihte eanet ja ođđa dieđuid Barentsábi geologiijas. Ain lea dárbu čohkket geologalaš dieđuid vai gelbbolašvuohta petroleumresurssaid birra nannejuvvo.  Ođđaset ja buoret dieđut addet eiseválddiide buoret áddejumi das mo petroleumvuogádat doaibmá oppalohkái. Dat lea dehálaš sihke buorre resursahálddašeapmái ja nationála ekonomalaš beroštumiid áimmahuššama dihtii.