Killengreen FAD ođđa departemeantaráđđi
Historjjálaš arkiiva
Almmustahttináigodat Regjeringen Stoltenberg II
Almmustahtti: Ođasmahttin-, hálddahus- ja girkodepartemeanta
Preassadieđáhus | Almmustahtton: 04.02.2011 | Maŋimuš ođasmahttojuvvon: 09.02.2011
Politiijadirektevra Ingelin Killengreen (63) nammaduvvui otná stáhtaráđis ođđa departemeantaráđđin Ođasmahttin-, hálddahus- ja girkodepartementii (FAD:i). Killengreen joatká maŋŋil Karin Moe Røisland guhte manai ealáhahkii.
Politiijadirektevra Ingelin Killengreen (63) nammaduvvui otná stáhtaráđis ođđa departemeantaráđđin Ođasmahttin-, hálddahus- ja girkodepartementii (FAD:i). Killengreen joatká maŋŋil Karin Moe Røisland guhte manai ealáhahkii.
- Mun lean hui ilus go mii dál oažžut ođđa departemeantaráđi geas lea nana ja viiddis jođihanvásáhus. 10 jagi Politiijadirektoráhta direktevran ja ovdal dan vihtta jagi Oslo politiijameašttirin lea son leamašan mihtilmas, oinnolaš ja čielga jođiheaddji. Ovdal dán lea Killengreen badjel logi jagi áigodagas leamašan jođiheaddjivirggit Justiisadepartemeanttas, earret eará departemeantaráđđin. Killengreen dovdá stáhta hálddahus bures, mii lea dehálaš dan virggis masa son dál lea nammaduvvon, dadjá ođasmahttinministtar Rigmor Aasrud.
Ingelin Killengreenas lea juridihka ámmátlogaheapmi man válddi Oslo Universitehtas 1972 ja lea leamašan áššemeannudeaddji, doaimmahathoavda, ossodatdirektevra, ekspedišuvdnahoavda ja departemeantaráđđi Justiisadepartemeanttas. Son lea maiddái ovtta áigodaga bargan duopmárváldin Oslo juogadanrievttis. Maŋimus 15 jagiid lea son álggos bargan Oslo politiijameašttirin ja dasto politiijadirektoráhta direktevran.
Ii leat vel mearriduvvon goas Killengreen álgá FAD departemeantaráđđin.
Politiijadirektevra Ingelin Killengreen (63) nammaduvvui otná stáhtaráđis ođđa departemeantaráđđin Ođasmahttin-, hálddahus- ja girkodepartementii (FAD:i).
