Historjjálaš arkiiva

Reviderejuvvon nationálabušeahtta

Heahtepáhkka čuojahanjoavkkuide

Historjjálaš arkiiva

Almmustahttináigodat Solberga ráđđehus

Almmustahtti: Kulturdepartemeanta

Kulturdepartemeanta viiddida valáštallan- ja eaktodáhtolašsuorggi buhtadusortnega man ulbmil lea buhtadit heaittihuvvon, maŋiduvvon ja giddejuvvon lágidemiid, nu ahte ortnet maid buhtada massojuvvon dietnasa maid livčče ožžon atnubiergasiid vuovdimis, vuojánguođáhagain ja básáriin.

– Lean duhtavaš go nagodat veahkehit čuojahanjoavkkuid. Go čielggaduvvui ahte čuojahanjoavkkut sáhttet fas hárjehallagoahtit ja čuojahit midjiide miessemánu 17.beaivvi, de illudedje ollugat miehtá riikka. Dál beasan vel almmuhit buot čuojahanjoavkkuide dán ođđasa ja munnje mearkkaša hui ollu go sáhttit doarjut čuojahanjoavkkuid muđui váttis dilis, dadjá kultur- ja dásseárvoministtar 

– Mu mielas leat čuojahanjoavkkut nana cakkit norgga kultureallimis. Čuojahanjoavkkut leat erenoamáš dehálaččat mánáide ja nuoraide ja háhkat ođđa čuojaheddjiid, ja midjiide geat liikot guldalit dán lágan musihka. Mun háliidivččen ahte buhtadusortnega viiddideapmi veahkehivčče čuojahanjoavkkuid birget roasu čađa, vai beassat navddašit čuojahanjoavkkuid musihka maiddái boahtte miessemánu 17.beaivvi, cealká kultur- ja dásseárvoministtar.     

Buhtadusortnet valáštallan- ja eaktodáhtolašsuorgái man ulbmil lei buhtadit goluid heaittihuvvon, maŋiduvvon ja giddejuvvon doaluid oktavuođas galggai álggos dušše buhtadit bileahttadietnasiid ja oassálastinmávssuid áigodagas njukčamánu 5.beaivvi rájes gitta cuoŋománu 30. beaivvi rádjai.  Ortnegii lei várrejuvvon 700 miljovnna kruvnnu. Vuosttaš ohcanvuorus ledje sullii 2300 organisašuvnna ohcan buhtadusaid 370 miljovnna kruvnnu ovddas.

Ráđđehus evttoha reviderejuvvon nationálabušeahtas ahte ortnet galgá gustot olles áigodahkii goas eanaš dáhpáhusaid lágidangielddus lei fámus; njukčamánu 12.beaivvi rájes gitta geassemánu 15.beaivvi rádjai 2020. Ortnega sturrodat lea oktiibuot badjelaš 1 miljárdda kruvnnu. 

Evttohuvvon viiddiduvvon ortnet galgá maiddái buhtadit massojuvvon dietnasiid maid livčče ožžon atnubiergasiid vuovdimis, básáriin, organisašuvnna viessoláigguin, vuojánguođáhatmávssuin, kioskagávppiin ja eará gálvvuid ja bálvalusaid vuovdimis doaluid oktavuođas.  

Ortnet lea rámmastivrejuvvon ja addá vejolašvuođa ohcat 70 proseantta buhtadusa dienasmassimis.