Kulturdepartemeanta nammada čielggadanjoavkku mii galgá guorahallat Norgga kulturráđi

Ráđđehus áigu čađahit friddjavuođaođastusa kulturpolitihkas. Ođastus galgá kultureallimii dagahit eanet fápmolávdadeami, buoret kvalitehta ja govdadit ruhtadeami. Dan oktavuođas galgá sierra čielggadanjoavku guorahallat Norgga Kulturráđi bargohápmi ja organiserema.

Ráđđehus áigu čađahit friddjavuođaođastusa kulturpolitihkas. Ođastus galgá kultureallimii dagahit eanet fápmolávdadeami, buoret kvalitehta ja govdadit ruhtadeami. Dan oktavuođas galgá sierra čielggadanjoavku guorahallat Norgga Kulturráđi bargohápmi ja organiserema.

- Mii áigut iskat ahte leago vejolaš álkidahttit Kulturráđi doarjjaortnegiid vai dat buorebut bohtet ávkin dáiddáriidda ja nu maiddái gehččiide. Okta guorahallama mihttomeriin lea ahte eanet ruhta galgá mannat njuolga dáidagii, cealká kulturministtar Thorhild Widvey.

- Dan maid dát joavku galgá bargat lea čilget organisašuvnna bargodoaimmaid, árvvoštallat man heivvolaš dálá čoahkádus lea, ja árvalit molssaevttolaš hámiid organisašuvdnii. Sii galget maiddái árvvoštallat leatgo muhtun doaimmat dálá organisašuvnna málles mat sáhttet čovdojuvvot guovlulaš  dásis. Ii leat gal áigumuššan juogadit guovlulaš foanddaide, muhto mii áigut geahčadit molssaevttolaš vugiid movt sáhtášii čoavdit muhtun osiid Norgga kulturráđi doaimmain, dadjá Widvey.

- Politihkalaš jođihangoddi áigu bures čuovvut dán barggu, cealká kulturministtar.

Čuovvovaš olbmot leat nammaduvvon miellahttun čielggadanjovkui:

  • Poul Bache, Danmárkku Kulturstivrra guovlludirektevra  ja dáiddastivrra ovddeš direktevra
  • Karen Espelund, Lulli-Trøndelága fylkka kultuvrra ja gulahallama fylkkadirektevra
  • Sigrid Røyseng, dr. polit., professor Gávpeallaskuvllas GA
  • André Støylen, DNB seastinbáŋkovuođđudusa hálddahuslaš direktevra (01.01.2014 rájes)
  • Anne Aasheim, Norgga kulturráđi direktevra

Joavkku jođiha Kulturdepartemeanta ossodatdirektevra Christine Hamnen.

Čielggadanjoavku galgá

  • Čilget Norgga kulturráđi dálá organisašuvnna ja bargodoaimmaid. 
  • Árvvoštallat leatgo Norgga kulturráđi bargodoaimmat heivvolaččat. 
  • Árvalit vejolaš molssaevttolaš bargodoaimmaid/eará organisatuvrralaš modeallaid.

Čielggadanjovkui lea biddjon dat eaktu ahte Norgga kulturráđđi galgá bisuhuvvot ja ahte ráđđi (kollegiála ásahus) galgá leat iešmearrideaddjin daid áššiin mat sidjiide biddjojit mearrideapmái. Joavku galgá árvvoštallat vuhtiiváldá go láhkamearrádus Norgga kulturráđi čoahkádusa ja nammadeami birra doarvái bures fápmolávdadeami ja šláddjivuođa dáiddabeliid dohkálaččat.

Hálddahusa siskkáldas organiseren ii guorahallojuvvo dán guorahallama oktavuođas.

Čielggadanjoavku galgá árvvoštallat sáhttá go doaimmaid mat dál gullet Norgga kulturráđi vuollái doaimmahuvvot eará báikkis, báikkálaš dahje guovlulaš dásis, muhto seammás nu ahte Norgga kulturfoanda seailluhuvvo oktasaš, nationála ruhtadangáldun iige juhkkojuvvo dahje biđgejuvvo guovlulaš foanddaide.

Čielggadanjoavkku lahkaneapmi berre vuhtiiváldit buohtastahtti beali dakko bakte go gehččet movt sullasaš doaimmat organiserejuvvojit eará riikkain, nugo mat Danmárkkus, Ruoŧas, Suomas ja Stuorra Británnias.

Čielggadanjoavku galgá ovddidit raporttastis 2014 geassemánu 1. beaivve. 

Lassin čielggadanjovkui lea departemeanta nammadan en referánsajoavkku  mii galgá ovddidit rávvagiid ja árvalusaid čielggadanjovkui:

Samir M’Kadmi – dáiddár ja kurator

Marianne Heier – govvadáiddár

Bergmund Waal Skaslien – musihkkár

Nils Henrik Asheim – musihkkár, šuokŋadahkki ja lágideaddji

Inger Blix Kvammen – mielde Girkonjárgga Pikene på broen nammasaš kurator- ja buvttadanjoavkkus

Kristin Fyrand Mikkelsen – Resonans konseartaráidu

Henrik Langeland – girječálli, ja Oslo Girjjálašvuođavistti stivralahttu

Alan Lucien Øyen –dánsunkompaniija Winter Guest dáiddalaš jođiheaddji

Tale Næss – girječálli ja dramatihkkár

Thorbjørn Gabrielsen – dáiddár, bagadalli ja lágideaddji

Suzette Paasche – Lulli-Trøndelága museaid hálddahus direktevra

Karin Gjelsten – Bergen suohkana ođđaáigásaš vuorkká fágahoavda, Báikkálaš- ja priváhta vuorkkáid riikkajoavkku jođiheaddji

Jørn Fevang – kántor Bragernes girkus

Harm-Christian Tolden – Bergen suohkana kultuvrra, ealáhusa, girku ja falástallansuorggi suohkandirektevra 

Gina Winje –Porsgrunn suohkana kulturhoavda

Kristin Danielsen – álgi girjerájushoavda Oslos

Venke Hoff – dáiddačoaggi ja Kaviarfabrihka eaiggát Henningsvær