Kulturministtar áigu loktet ovdan sámi kultuvrra dehálaš oassin Norgga kulturárbbis

Ráđđehusa mielas galget sámi kulturovddasteamit leat lunddolaš oassin muitalusain Norgga birra, ja ahte dát lea eaktun oažžut viiddis ja girjás kultureallima boahtteáiggis.

Kultuvreministere sæjhta saemien kultuvrem lutnjedh vihkeles bieline Nöörjen kultuvreaerpeste

Kultuvraminisstar ájggu sáme kulturav låpptit vaj sjaddá ájnas oasse Vuona kultuvrraárbes

Kulturministtar Linda Hofstad Helleland / Presideanta Aili Keskitalo
Kulturministtar Linda Hofstad Helleland - Presideanta Aili Keskitalo Govva: Kulturdepartemeantta

Kulturdieđáhusa bargguid oktavuođas háliida Kulturdepartemeantta iskat makkár sadji lea sámi dáiddaovdanbuktimiin buot osiin min servodagas ráhkadan dihte sierra strategiija loktet ovdan sámi dáidda- ja kulturovdanbuktimiid eanet arenaide.

- Sámi dáidda ja kultuvra ferte oažžut čielgasit jiena Norggas. Mii buohkat, geat orrut Norggas, fertet dovddastit sámi kultuvrra leat oassin min oktasaš identitehtas, ja mii fertet láhčit dili nu ahte olbmot miehtá riikkas ožžot vejolašvuođa oahpásnuvvat dainna. Vejolaš ovdamearkkat sáhttet leat nugo Kultuvrralaš skuvlalávkka buvttadeamit, sámi dáidda Našunálamuseas, Beaivváš teáhtera johttičájálmasat miehtá riikka ja eanet sámi kultuvra ja luohti TV:s, lohká kulturministtar Linda Hofstad Helleland.

Sámediggepresideanta Aili Keskitalo lea giitevaš kulturministara evttohusaiguin: - Dát lea dehálaš lávki háhkat stuorát ipmárdusa sámi kultuvrii ja servodahkii, ja jus sii čuovvolit dáid áigumušaid, de lokte dat sámi dáidaga ja kultuvrra bures ovdan guhkit áiggi vuollái.

Kulturdieđáhusa oktavuođas lea kulturdepartemeanttas vuosttaš árvalusčoahkkin Sámedikki hálddahusain bearjadaga skábmamánu 10. beaivve. Boahtte jagi mielde bovdet eanet dákkár čoahkkimiidda ja dollojuvvo lagas gulahallan Sámedikkiin. Ulbmil lea ráhkadit buori strategiija maid sihke Sámediggi ja Stuoradiggi sáhttet dohkkehit.