Rásseguovllut riddogáttiin leat válljejuvvon luondduguovllut

Almmustahttináigodat Solberga ráđđehus

Almmustahtti: Dálkkádat- ja birasdepartemeanta

Gonagas lea stáhtaráđis otne mearridan ahte rásseguovllut riddogáttiin galget oažžut válljejuvvon luondduguovlostáhtusa. Mearrádus guoská 834 km2 sturrosaš areálii masa gullet 388 dehálaš ja 284 erenoamáš dehálaš eanadaga.

-Oassi norgga londdus maid ii sáhte oažžut ruovttoluotta sáhttá massojuvvot. Rásseguovllut ožžot steampala mii čájeha ahte dat lea deháleappot go eará luondduguovllut, cealká Dálkkádat- ja birasministar Tine Sundtoft.

Makkárat leat válljejuvvon luondduhámit?


Válljejuvvon luondduhámiid merken mearkkaša ahte areálahálddašeapmi šaddá eanet einnostahtti. Dat fuomášahtta gielddaid ja eará areálahálddašeddjiid ahte sii berrejit árvvoštallat vejolašvuođaid heivehit dahje sirdit doaibmabijuid eará báikkiide gáhtten dihte rásseguovlluid riddogáttiin.

Válljejuvvon rásseguovlluid galgá erenoamážit vuhtiiváldit ovttaskas áššemeannudeamis, muhto gielddat gal ieža mearridit loahpalaš bohtosiid.

-Dát ii leat suodjaleapmi, muhto gaskaoapmi báikkálaš iešmearrideapmái, dadjá Sundtoft.  

Loga eanet áitojuvvon luonddu birra dás.

Rásseguovllut


Rásseguovllut leat rabas guovllut riddogáttiin mat leat šaddan bohtuid ja vuvddiid čorgemiid, guohtumiid, daŋasboaldimiid ja daŋaslájud geažil. Rásseguovllut leat erenoamáš boares kultureanadagat ja Norga lea dat riika Eurohpás gos gávdnojit eanemus. Mis leat maid erenoamáš rásseguovllut riikka davvi oasis, mat eai gávdno eará sajiin.  Dát guovllut ledje mávssolaš guohtunresurssat maid riddoboanddat geavahedje šibihiidda birra jagi. Rásseguovllut riddogáttiin leat  sakka áitojuvvon. Dat mearkkaša ahte lea stuorra riska ahte Norggas eai gávdno šat diekkár eanadagat 50 jagi geažis.  

-Ráđđehus áigu movttiidahttit ovttasbargat ja geavahit rásseguovlluid bistevaččat gáhtten dihte kultureanadagaid – dadjá Dálkkádat- ja birasministtar Tine Sundtoft.

Rásseguovllut sáhttet fas vuovdiluvvat jos eai geavahuvvo.  Dálkkádat- ja birasdepartemeanta ja Eanadoallo- ja biebmodepartemeanta leaba dan geažil várren ruđaid seailluhanbargui ja guohtuma várás.

-Ládjogiettit leat bures ovdánan dan rájes go 2011 oaččui stáhtusa erenoamáš luondduguovlun. Mun doaivvun ahte riddogáttiid rásseguovllut ovdánit seammá láhkai ráđđehusa otná mearrádusa mielde, dadjá Sundtoft.

Láhkaásahus rievdadit láhkaásahusa mearriduvvon miessemánu 13.b.2011 nr. 512 válljejuvvon luondduhámit luonddušláddjivuođalága vuođul (Norsk Lovtidend)

Rogalándda Luonddugáhttensearvvi Erik Thoring čájeheamen dálkkádat- ja birasministara Tine Sundtoft ja várresátnejođiheaddji Bjørg Tysdal Moe riddogáttiid rásseguovlluid Store Marøy nammasaš báikkis.
Rogalándda Luonddugáhttensearvvi Erik Thoring čájeheamen dálkkádat- ja birasministara Tine Sundtoft ja várresátnejođiheaddji Bjørg Tysdal Moe riddogáttiid rásseguovlluid Store Marøy nammasaš báikkis. Govva: Marianne Gjørv, DBD