Láhkamearrádusat čavgejuvvojit bombakjemikálaid oktavuođas

Almmustahttináigodat Solberga ráđđehus

Almmustahtti: Justiisa- ja gearggusvuođadepartemeanta

Dál eai sáhte priváhtaolbmot šat oastit kjemikálaid ráhkadan dihte bombbaid.

– Mii gáržžidat vejolašvuođaid háhkat bombakjemikálaid ja fuolahat ahte tuollu ja politiija buorebut lonohallet dieđuid dán lágan áššiin, cealká justiisa- ja gearggusvuođaministtar Anders Anundsen.

Muhtun doaibmabijut leat njulgestaga vuolggahuvvon suoidnemánu 21.b.2011 terrordaguid geažil.

Buoret diehtojuohkin tuolloeiseválddiid ja politiija gaskkas: Tuollolága rievdadeapmi dahká vejolažžan tuolloeiseválddiide addit čiegus dieđuid ollu áššiin politiija- ja áššáskuhttieiseválddiide ja Servodatsihkkarvuođa ja gearggusvuođa direktoráhttii.  

Ráŋggáštanrámma: Buollin- ja bávkkehansuodjaluslága ráŋggáštanrámma lea guhkiduvvon 2 ja 6 jahkái duođalaš rihkusáššiin. Dat čađahuvvo ráŋggáštuslága 2005 ovddalgihtii fápmuiboahtima bokte.

Buollin- ja bávkkehansuodjaluslága, tuollolága ja ráŋggáštuslága 2005 rievdadusat ja ođđa láhkaásahus mearkkaša dan ahte Norga maiddái čuovvola EO njuolggadusaid bávkkanasávdnasiid márkanfievrrideami ja geavaheami birra. Láhkaásahus gieldá priváhtaolbmuid geavaheamis bombakjemikálaid ja buohkat geat geavahit dákkár ávdnasiid ráŋggáštuvvojit garrasit.

Eanet dieđuid addá Servodatsihkkarvuođa ja gearggusvuođa direktoráhtta