Stáhtabušeahtta 2018

Lassáneapmi našunála museafierpmádaga museaide

Ráđđehus evttoha lasihit oppalaš juolludemiid Našunála museafierpmádaga museaide 1,5 miljárda ruvdnui. Dát sisttisdoallá doaibmadoarjaga nannema 21 milliuvnna ruvnnuin guđa museai.

– Museat lea earenoamáš dehálaš kulturárbeásahusat mat fállet berošteaddji deaivvadanbáikkiid máŋggabealat álbmogii. Ráđđehus háliida nannet museai nu ahte láhčá diliid buoret gaskkusteapmái ja čoakkáldagaid ja rusttegiid hálddašeapmái, lohká kulturministtar Linda Hofstad Helleland. 

Ráđđehus evttoha nannet doarjaga čuovvovaš ásahusaide:

  • Norgga Álbmotmusea/Ibsenmusea 
    Ráđđehus evttoha lasihit doarjaga Norgga Álbmotmuseai 8 milliuvnna ruvnnuin, mii galgá adnojuvvot oččodit viiddiduvvon doaimmaid Ibsenmuseas. Norgga Álbmotmuseas leat plánat ásahit teáhterhistorjjálaš čájáhusaid ja ásahit teáhterscena Ibsenmuseai ovttasbargguin Našunálateáhteriin.

  • Dáidda, arkitektuvrra ja hábmema Našunálamusea
    Ráđđehus evttoha lasihit doarjaga Dáidda, arkitektuvrra ja hábmema Našunálamuseai 4 milliuvnna ruvnnain ráhkkananbargguide sirdit olles čoakkáldaga ođđa vistái mii lea Vestbanenis. 

  • Oarje-Agder-musea/Hestmanden 
    Ráđđehus háliida lasihit doarjaga Oarje-Agder-museai 4 milliuvnna ruvnnain sihkarastin dihte DS Hestmanden joatkkadoaimmaide – našunála muitomearka guovtti máilmmisoađi soahteborjjasteddjiid doaimmain.

  • Sørlándda Dáiddamusea/Dáiddasilo 
    Doarjja Sørlándda Dáiddamuseai evttohuvvo lasihuvvot 2 milliuvnna ruvnnain nu ahte sáhttet láhčit buriid hálddašandilálašvuođaid dan stuora dáiddačoakkáldahkii maid sii leat ožžon skeaŋkan Nicolai Tangenis. 

  • KODE Dáiddamuseat ja komponistaruoktu 
    Ráđđehus evttoha lasihit doarjaga KODE Dáiddamuseaide ja komponistaruktui 2 milliuvnna ruvnnuin mii manná gokčat lassigoluid bearráigehččui ja sihkkarastimii. 

  • Lulli-Trøndelaga Museat/Rittu árbi 
    Ráđđehus evttoha lasihit doarjaga Lulli-Trøndelaga Museaide 1 milliuvnna ruvnnuin gokčat lassánan doaibmagoluid dan ođđa gaskkustanvisttis mii lea Rittu Árbbi ossodagas Rissas.