Loabága suohkan šaddá Lavangen kommune sámegiel namma

Almmustahttináigodat Solberga ráđđehus

Almmustahtti: Gielda- ja ođasmahttindepartemeanta

Loabága suohkan galgá leat Lavangen kommune namma sámegillii. Dat mearriduvvui stáhtaráđis bearjadaga.

-Lean hui ilus go Loabák dál lea dohkkehuvvon almmolaš sámi namman. Dat buktá oidnosii suohkana máŋggabealatvuođa ja nanne sámi giela ja identitehta suohkana ássiin, cealká gielda- ja ođasmahttinministtar Jan Tore Sanner.

Stáhtaráđi mearrádus čuovvu Loabága suohkana gielddastivramearrádusa ja rávvagiid suohkana sámepolitihkalaš lávdegottis ja davvisámi báikenammabálvalusas.

Nominatiivahápmi lea Loabák.  Sámegiella lea kasusgiella, ja suohkannamma + suohkan stivre genitiiva. Dan geažil geavahuvvo sátni Loabák genitiivahámis,  Loabága, go lea sáhka Loabága suohkanis.


Gielda- ja ođasmahttinministara preassatelefovdna: 22 24 25 00