Ložžejit riikii boahtima errennjuolggadusaid

Informasjon om koronasituasjonen endrer seg raskt og kan derfor være utdatert. 

Sjekk temasiden Koronasituasjonen for siste nytt fra regjeringen, eller Helsenorge.no for oversikt over råd og regler om koronaviruset på samisk.

Sii geat leat ollásit boahkuhuvvon dahje buohcan covid-19 dávdda vuollil guhtta mánu dassái eai dárbbaš mannat erremii bearjadaga geassemánu 11.beaivvi dii.15.00 rájes go bohtet Norgii. Gáibiduvvo ahte boahkuhanstáhtus ja jos lea buohcan covid-19 dávddas čájehuvvo sihkkaris ja verifiserejuvvon duođaštusain mas lea QR-koda. Errenáigi sáhttá oaniduvvot mánáid ja vuollel 18 jahkásaš nuoraid guovdu, jos sáhttet čájehit negatiivva PCR-iskosa golbma jándora siste maŋŋá go Norgii leat boahtán.

-Sii geat leat ollásit boahkuhuvvon dahje buohcan covid-19 dávdda vuollil guhtta mánu dassái, ja sáhttet dan čájehit sihkkaris ja verifiserejuvvon duođaštusain, eai dárbbaš bearjadaga geassemánu 11.beaivvi diibmu 15.00 rájes mannat erremii go bohtet Norgii. Sii fertejit almmatge válddihit iskosa rájá alde, dadjá dearvvašvuođa- ja fuolahusministtar Bent Høie.

-Ráđđehus rievdada njuolggadusaid dál, danne go eanet ja eanet olbmot boahkuhit iežaset ja eanaš olbmot riskajoavkkuin leat ožžon vuosttaš boahkuid. Vuogádat lea boađi boađi mainna sáhttá verifiseret ja duođaštit boahkuhanstáhtusa EO- ja EES-guovlluin ja Stuora Britannias, joatká Høie.

Ođđa njuolggadusat mat doaibmagohtet bearjadaga geassemánu 11.beaivvi rájes eai  gusto sidjiide geat leat ollásit boahkuhuvvon dahje buohcan covid-19 dávdda, jos dieđut eai sáhte verifiserejuvvot Norgga rájá alde. Easkka dalle go Norga lea mielde EO-vuogádagas, ja go Norga sáhttá verifiseret eará riikkaid duođaštusaid, sáhttet sii luvvejuvvot errengáibádusas.

Ođđa njuolggadusat leat dahkkon Álbmotdearvvašvuođainstituhta ja Dearvvašvuođadirektoráhta ávžžuhusaid vuođul.

Ráđđehus mearridii mannan vahkus ložžet errennjuolggadusaid vuollel 12 jahkásaš mánáide geat bohtet Norgii. Sii eai dárbbaš mannat erremii jos koronaiskkus lea negatiivva, golbma jándora siste maŋŋá go Norgii leat boahtán.  Spiehkastat gusto dál maiddái olbmuide geat leat gaskal 12 ja 18 jagi.  

 

Riikii boahtima errengáibádus olbmuide geat leat oktii boahkuhuvvon
Olbmot geat leat oktii dušše boahkuhuvvon 3 ja 15 váhku dassá, galget mannat erremii go bohtet Norgii. Ráđđehus mearridii mannan vahkus spiehkastit riikii boahtima errennjuolggadusain, mii mielddisbuktá ahte errenáigi oaniduvvo jos sáhttet čájehit negatiivva PCR-iskosa  bohtosa golbma jándora maŋŋá go Norgii leat boahtán. Gáibiduvvo čájehit boahkuhanstáhtusa sihkkaris ja verifiserejuvvon duođaštusain mas lea QR-koda. 

Sivvan dasa ahte sii geat leat boahkuhuvvon dušše oktii galget mannat erremii go bohtet Norgii lea, ahte koronavirusa njoammunvárra lea stuorit jos lea dušše oktii boahkuhuvvon. Mii oaidnit ahte okta boahku ii suddje nu bures ođđa koronadávddaid vuostá, ovdamearkka dihte sáhttá namuhit deltavirusa ja alfavirusa.  

Sihke ÁDI ja Dearvvašvuođadirektoráhta mielas lea dehálaš bisuhit errengáibádusa, ahte sii geat Norgii bohtet galget mannat erremii jos lea dušše oktii boahkuhuvvon, muhto errenáigi sáhttá oaniduvvot jos sáhttet čájehit negatiivva iskosa golbma beaivvi siste maŋŋá go Norgii leat boahtán.