Máilbmi lea massán iežas stuorimus politihkalaš ovdagova

Almmustahttináigodat Solberga ráđđehus

Almmustahtti: Stáhtaministara kantuvra

- Stuora morrašiin ožžon dieđu ahte Nelson Mandela lea jápmán. Ráđđehusa bealis háliidan dovddastit stuora morraša ja min jurdagat leat su leaskka Graca Michel, bearraša, Lulli-Afrihkká ráđđehusa ja Lulli-Afrihkká álbmoga luhtte, cealká stáhtaministtar Erna Solberg.

- Stuora morrašiin ožžon dieđu ahte Nelson Mandela lea jápmán.  Ráđđehusa bealis háliidan dovddastit stuora morraša ja min jurdagat leat su leaskka Graca Michel, bearraša, Lulli-Afrihkká ráđđehusa ja Lulli-Afrihkká  álbmoga luhtte, cealká stáhtaministtar Erna Solberg.

-Nelson Mandela ii lean dušše ovtta riikka njunušolmmoš, muhto olles máilmmi. Son ovddastii  doaivaga, friddjavuođa ja demokratiija, ja diet symbolat ledje su stuorimus dovdomearkkat. Mii muitit su go son vuostálasttii apartheidpolitihka, barggai soabadeami ovdii, ja geafivuohta ja hiv/aids ledje maid áššit main son sakka áŋgirušai. Dál lea Mandela vádjolan, muhto su árvvut ellet viidásabbo, dadjá Solberg.

Friddjavuođabealušteami oktavuođas leai Mandela njunnošis vuosttaldeamen garra apartheidráđđenvuogi. 1990 beasai son eret fáŋgavuođas maŋŋil go leai leamaš giddagasas 27 jagi politihkalaš fáŋgan, dávjá  garra gillámušaiguin. Jierpmálaččat jođihii son ANC daid losses šiehtadallamiin maid bokte oaččuhii áigái demokratiija Lulli-Afrihkkái.  Dán ovddas oaččui son Nobel Ráfibálkkašumi jagi 1993. Jagi maŋŋil šattai Mandela vuosttas demokráhtalaččat válljejuvvon presideanta Lulli-Afrihkás.

- Mandelas ledje nana stáhtaalbmánávccat, jierpmálašvuohta ja persovnnalaš integritehta. Olmmošlaččat leai son utnolaš ja sus leai máhttu ja návccat oažžut olbmuid soabadit, ja sihke bealušteaddjit ja vuosttaldeaddjit atne su stuora árvvus. Lea váttis govvidit geat earát livčče sáhttán nu garrasit váikkuhit min jurddašeapmái  mii guoská politihkalaš jođiheapmái ja soabadeapmái, cealká Solberg.  

- Mii berret gudnejahttit Mandela muittu dainna lágiin ahte mii čuovvolat su ráfi ja soabadeami ideálaid ja movt son jurddašii boahtteáiggi birra, muhto ahte mii maiddái joatkit rahčamušaid vuosttaldit geafivuođa ja hiv/aids dávdda ja nállevealaheami. Mii čuvgehat ráfi Nelson Mandela muitui, dadjá Solberg.

Erna Solberg underskriver kondolansebrev