Historjjálaš arkiiva

Jagi 2019 reviderejuvvon nationálabušeahtta:

Lassiárvodivatluvven elektronalaš áigeállagiin ja girjjiin

Historjjálaš arkiiva

Almmustahttináigodat Solberga ráđđehus

Almmustahtti: Ruhtadandepartemeanta

Ráđđehus evttoha heaittihit lassiárvodivada elektronalaš áigeállagiidda ja girjiide suoidnemánu 1.b.2019 rájes. – Luvven sihkkarastá ahte prentejuvvon- ja elektronalaš áigeállagat ja girjjit meannuduvvojit ovtta láhkai, ja čuovvu servodaga digitála ovdáneami, dadjá ruhtadanministtar Siv Jensen (OvB).

Dálá njuolggadusaid mielde ii dárbbaš máksit lassiárvodivada prentejuvvon áigečállagiid ja girjjiid ovddas, muhto elektronalaš áigečállagiid ja girjjiid ovddas gal ferte máksit 25 proseantta lassiárvodivada. 

– Dat ii leat buorre ahte divadat meannuduvvojit iešguđet láhkai dakkár gálvvuin ja bálvalusain main lea seamma sisdoallu ja geavaheapmi. Danne mii evttohat heaittihit lassiárvodivada elektronalaš áigečállagiin ja girjjiin, dadjá ruhtadanministtar Siv Jensen.

Ráđđehus evttoha rahpat vejolašvuođa ovdánahttit muttolaš čovdosiid main lea eará sisdoallu go prentejuvvon čállosiin ja govain, ovdamearkka dihte jietna ja video čovdosiid. Das ii gáibiduvvo ahte elektronalaš áigečála dahje girji galgá prentejuvvot.

– Mii addit dán suorgái vejolašvuođa geavahit muttolaš elektronalaš almmuhanvejolašvuođaid go láhčit dili govttolaš jietna ja video čovdosiidda. Min oaivila mielde lea divatluvven bures heivehuvvon servodaga digitála ovdáneapmái go prentejuvvon almmuheamit eai gáibiduvvo, cealká ruhtadanministtar Siv Jensen. 

Jos evttohus dohkkehuvvo, de galgá divatluvvenevttohus maiddai guoskat jietnagirjjiid rávdnjemii ja viežžamii neahtas. 

Ráđđehus evttoha ahte báberáigečállagiid ja bábergirjjiid guoski luvvenráddjehusat galget nu guhkás go vejolaš gustot seamma láhkai elektronalaš áigečállagiidda ja girjiide. Ráddjehusat muddejuvvojit dárkileappot lassiárvodivatláhkaásahusa bokte.

– Dađis digitaliserejuvvon máilmmis berre leat vuolggasadjin dat, ahte divat galgá máksojuvvot buot elektronalaš bálvalusaid ovddas. Danne lea dehálaš sihkkarastit ahte elektronalaš girjjiid ja áigečállagiid guoski divatgeahpedeapmi fátmmasta dušše dakkár almmuhemiid maidda báberáigečállagiid ja bábergirjjiid dálá divatluvvennjuolggadusat gustojit, loahpaha ruhtadanministtar Siv Jensen.

Loga eanet: