Aktiver Javascript i din nettleser for en bedre opplevelse på regjeringen.no

Čoahkkin Norgga Boazosápmelaččaid Riikkaservviin

Eanadoallo- ja biebmoministtar Bård Hoksrud lea odne čoahkkinastán Norgga Boazosápmelaččaid Riikkaservviin (NBR).

– Olu eará ealáhusaid ektui eai leat boazodoalus rekruterenváttisvuođat, dajai Ellinor Marita Jåma, NBR-jođiheaddji. – Boazodoallu lea dan erenoamáš dilis ahte leat eanet nuorat geat háliidit bargat boazodoalus go geaidda lea sadji, deattuhii Jåma. 

Jåma deattuhii ahte boazodoallu lea kultur- ja bearašvuđot ealáhus. – Boazodoallu lea eanet go ealáhus. Lea eallinvuohki. Jus leat riegádan boazodollui, de dat čuovvu du olles eallima, dajai son, ja deattuhii ahte boazodoalu dilli ja hástalusat leat iešguđetláganat riikka iešguđet osiin.

Čoahkkimis digaštalle earret eará dáid áššiid: Boazodoalloláhka, boazodoallošiehtadusa šiehtadusat, boazodolliid psykososiála bealit, norgga-ruoŧa guohtonkonvenšuvdna, boraspirepolitihkka, areálahálddašeapmi, ja boazoáiddit Nordlánddabánas.

– Lea hirbmat ávkkálaš munnje deaivvadit NBR-ovddasteddjiiguin ja geahčadit áššiid main sii beroštit, dadjá eanadoallo- ja biebmoministtar Bård Hoksrud, guhte illuda eambbo ovttasbargat boazodoalloealáhusain.

Otná čoahkkimis, gurut ravddas: Ande Niillas Utsi (stivralahttu), Tom Lifjell (stivralahttu), Bård Hoksrud, Ellinor Marita Jåma (jođiheaddji), Lars Elias Bransfjell (NBR nuoraidlávdegotti stivralahttu).
Otná čoahkkimis, gurut ravddas: Ande Niillas Utsi (stivralahttu), Tom Lifjell (stivralahttu), Bård Hoksrud, Ellinor Marita Jåma (jođiheaddji), Lars Elias Bransfjell (NBR nuoraidlávdegotti stivralahttu). Govva: Eanadoallo- ja biebmodepartemeanta
Bajás