Historjjálaš arkiiva

Muášši.no álmmuhuvvon sámegillii

Historjjálaš arkiiva

Almmustahttináigodat Solberga ráđđehus

Almmustahtti: Gielda- ja ođasmahttindepartemeanta

– Mun lean ilus go mii dál leat ožžon sadjái čovdosa mii dahká vejolažžan ovddidit áššiid suohkanstivrii dahje fylkkadiggái maid sámegillii muášši.no bokte. Lea deaŧalaš ahte sámi giellageavaheaddjit sáhttet geavahit iežaset giela nu olu almmolaš arenain go vejolaš, dadjá stáhtačálli Anne Karin Olli.

Gielda- ja ođasmahttindepartemeanta almmuha dál neahttabáikki muášši.no davvisámegillii. Neahttabáiki addá dutnje vejolašvuođa bidjat áššiid politihkalaš čoahkkinortnegii suohkanis dahje fylkkadikkis. Don sáhtát evttohit ášši mainna don áŋgirušat – ja jus čoakkát doarvái vuolláičállojuvvon namaid, de ferte suohkanstivra gieđahallat du ášši.

Dan rájes go neahttabáiki almmuhuvvui jagis 2013 leat eambbo go 750 000 geavaheaddji fitnan siiddus. Leat sáddejuvvon oktiibuot 319 ášši 118 suohkanii. Fáttát mat dávjá boktet áŋgiruššama leat skuvla, johtalus, kultursuodjaleapmi ja olgodaddan. Dasa lassin leat dál eambbo go 500 ássiidevttohusa maidda lea vejolaš čállit nama.

Fina neahttabáikkis: Muášši.no

Fáktá ássiidevttohusaid birra (Muášši.no)

  • Buohkat sáhttet evttohit áššiid iežas suohkanis dahje fylkkasuohkanis. Dus ii dárbbaš leat jienastanvuoigatvuohta dahje deavdán 18 jagi.
  • Suohkanstivra dahje fylkkadiggi geatnegahttojit ieža mearridit áššis mii guoská suohkana dahje fylkkasuohkana doibmii, jus unnimusat 2 proseantta ássiin, dahje 300 suohkanis dahje 500 fylkkas, dorjot evttohusa.

Gielda- ja ođasmahttindepartemeantta preassatelefovdna: 22 24 25 00