Reviderejuvvon nationálabušeahtas
Nannejit divššohas- ja geavaheaddjiáittardeaddji
Ođas | Almmustahtton: 13.05.2022 | Dearvvašvuođa- ja fuolahusdepartemeanta
Ráđđehus nanne divššohas- ja geavaheaddjiáittardeaddji bušeahta reviderejuvvon nationálabušeahtas. Nu besset doalahit divššohasaid ja geavaheddjiid fálaldaga miehtá riikka.
Divššohas- ja geavaheaddjiáittardeaddji ruhtadilli lea leamaš váttis. Dan geažil lea leamaš hástaleaddji doalahit fálaldaga – erenoamážit guovlluin, main geavahit ollu návccaid johtimii.
Golbma miljovnna kruvnno
– Ráđđehus oaidná mávssolažžan, ahte divššohasat ja geavaheaddjit miehtá riikka fidnejit báikkálaš divššohas- ja geavaheaddjiáittardeaddji. Ráđđehus nanne danin ortnega golmmain miljovnnain kruvnnuin reviderejuvvon nationálabušeahtas, dadjá dearvvašvuođa- ja fuolahanministtar Ingvild Kjerkol.
15 báikkálaš divššohas- ja geavaheaddjiáittardeaddji fuolahit divššohasaid ja geavaheddjiid dárbbuin, beroštumiin ja riektasihkarvuođas dearvvašvuođa- ja fuolahanbálvalusaid suorggis.
– Ráđđehusa árvalus nannet áittardeaddji doaimma, mii dahká vejolažžan doalahit dán mávssolaš fálaldaga miehtá riikka, dadjá Kjerkol.