Nina Økland ođđa ekspedišuvdnahoavda Mediaossodagas

Otná stáhtaráđis nammaduvvui Nina Økland ekspedišuvdnahoavdan Kulturdepartemeanta Mediaossodahkii.  Økland lea gaskaboddosaččat leamašan ekspedišuvdnahoavdan ođđajagi rájes.

Øklandas lea guhkes ja nana vásihus departemeantas, sihke áššemeannudeaddjin ja jođiheaddjin. Son álggii Kulturdepartementii (ovddeš Girko- ja oahpahusdepartementii ) jagi 1986´s. Dalle son lei áššemeannudeaddjin Hálddahus- ja ekonomiijaossodagas ovdal go nammaduvvui doaimmahathoavdan mediaossodahkii ja maŋŋil vuolitdirektevran.

Jagi 2001 son nammaduvvui ossodatdirektevran ja nubbinjođiheaddjin dán ossodagas.  2009 vuosttaš jahkebeali lei Økland gaskaboddosaš ekspedišuvdnahoavdan Servodat- ja eaktoáhtoossodahkii.

Økland lea riegádan 20.10.1954 ja lea 1980´s váldán cand.mag. dási oahpu Oslo Universitehtas  historjjá gaskafága ja dárogiella ja stáhtadieđa vuođđofága.