Ođđa gaskaboddosaš fylkkamánni

Ingvild Aleksandersen lea stáhtaráđis odne konstituerejuvvon Finnmárkku fylkkamánnin

- Mii oažžut čeahpes nissona, guhte dovdá fylkkamánneámmáha ja bargguid bures, dadjá gielda- ja ođasmahttinministtar Jan Tore Sanner.

Dál leat guorahallamin fylkkamánneámmáhiid struktuvrra. Ingvild Aleksandersen lea danne konstituerejuvvon gaskaboddosaš ámmáhii. Struktuvrra vejolaš rievdadusat álggahuvvojit maŋimustá ođđajagimánu 1.b. 2019.

Ingvild Aleksandersen (48) lea fásta bargi Finnmárkku Fylkkamánni veahkkefylkkamánnin. Sus lea juridihkkaoahppu. Aleksandersen bargagođii Finnmárkku Fylkkamánnis ossodatdirektevran 2013:s, ja maŋŋelat seamma jagi virgáduvvui veahkkefylkkamánnin. Aleksandersen lea ovdal bargan ee. advokáhttan, sihke iežas advokáhttafitnodagas ja Finnmárkkuopmodagas. Sus leat leamaš máŋggat luohttámušdoaimmat iešguđet doaimmain, sihke stivralahttun ja stivrajođiheaddjin.

 

Gielda- ja ođasmahttindepartemeantta preassatelefovdna: 22 24 25 00