Ođđa áššeolmmái Svalbárddas

Ekspedišuvdnahoavda Kjerstin Askholt (53) lea stáhtaráđis otne virgáduvvon áššeolmmájin 3 jagi mearreáiggevirgái, maid lea vejolaš guhkidit golbma jagi.

Kjerstin Askholt, ny sysselmann på Svalbard
Kjerstin Askholt, ođđa áššeolmmái Svalbárddas, govvejuvvon stáhtaráđi nammadeami maŋŋil, miessemánu 29.b.2015. (Govven: JD – geahča ja viečča eanet govaid Flickris

Askholt álgá bargui go dálá áššeolbmá Odd Olsen Ingerø mearreáiggesoahpamuš nohká čakčamánu 15.b.dán jagi.

Áššeolmmái lea ráđđehusa bajimus ovddasteaddji Svalbárddas ja su ovddasvástádussii gullá ee. biras ja kulturmuitohálddašeapmi ja servodatgearggusvuođa ovttastahttin dán sullos. Áššeolmmái doaibmá politiijameasttirin Svalbárddas ja báikkálaš gádjunguovddáža jođiheaddjin. Áššeolmmái galgá fuolahit oktavuođaid iešguhtet báikkálašservodagaid gaskka Svalbárddas.

Kjerstin Askholt lea hárjánan jođiheaddji ja sus lea nana ovttasbargonávccat, ja buorre máhtu politihkkasuorggis.

-Lean hirbmat duhtavaš go Kjerstin Askholt vuostáiváldá dán doaimma ja mus lea luohttámuš dasa ahte son čađaha barggu hirbmat barggus. Svalbárda-servodagas, mii lea oassi Norgga servodagas, leat ollu hástalusat ja dan geažil lea dehálaš ahte áššeolmmái bures dovdá servodaga. Lea dehálaš joatkit gearggusvuođadoaimmaid Svalbárddas, cealká justiisa- ja gearggusvuođaministtar Anders Anundsen (OB).

Kjerstin Askholt lea doaibman ekspedišuvdnahoavdan Justiisa- ja gearggusvuođadepartemeantta Poláraossodagas 2003 rájes.

-Lean hui ilus ja vuollegašvuođain álggán dán bargui. Dat mii lea erenoamáš gelddolaš lea ahte beasan bargat máŋggalágan doaimmaiguin. Dat lea operatiivvalaš bargu gos ferte čađahit ollu bargguid stáhta ovddas. Don leat sihke politiijameašttir ja gaskkohagaid fylkkamánni ja dan lassin ollu eará doaimmat. Molsašuddi ja fágaidrasttideaddji doaimmat seammá bargosajis lea gelddolaš ja mun dieđusge illudan go lean dál ožžon vejolašvuođa ássat Svalbárddas, cealká Askholt.

Kjerstin Askholt lea guhká bargan departemeanttas. Ovdal go álggii Poláraossodaga hoavdan, de ledje sus iešguđet lágan jođihanvirggi Kriminálafuolahusossodagas. Askholt lea earret eará bargan vuolitdirektevran Bredtveit ráŋggáštanásahusas.

Kjerstin Askholt lea čađahan juridihkalaš ámmáteksámena Oslo universitehtas 1988:s

.

Video ođđa áššeolbmá birra

Les mer om sysselmannen