Historjjálaš arkiiva

Ođđa njuolggadusat riikkas eretbidjat ráŋggáštusdubmejuvvon olgoriikkalaččaid

Historjjálaš arkiiva

Almmustahttináigodat Solberga ráđđehus

Almmustahtti: Justiisa- ja gearggusvuođadepartemeanta

Justiisa- ja gearggusvuođadepartemeanta lea odne mearridan rievdadusa njuolggadusaide riikkas eretbidjat ráŋggáštusdubmejuvvon olbmuid. Maŋŋel olgoriikkalaččaidláhkaásahusa rievdadeami ožžot eiseválddit eanet rievtti maŋidit riikkas eretbidjan árvvoštallamiid ja dasto oažžut stuorát vejolašvuođa riikkas eretbidjat muhtun ráŋggáštusdubmejuvvon olbmuid.

– Mun oaivvildan dat sáhttá leat dábálaš olbmuid riekteáddejumi vuostá jus olgoriikkalaš, gii lea dahkan duođalaš rihkolašvuođa ja lea čohkkáme guhkes giddagasduomu, beassá das ahte eretbiddjot riikkas jus dat dilálašvuođat mat vejolaččat dahke eretbidjama govttoheapmin, eai leat šat doaimmas go dát olmmoš beassá giddagasas olggos, dadjá sisafárren- ja integrerenministtar Sylvi Listhaug (OvB).

Dás duohko sáhttet ráŋggáštusdubmejuvvon olbmot riikkas eretbiddjot vaikko orui leame govttoheapmin dalle go eretbidjan ášši vuohččan bođii bajás. Eiseválddit ožžot dál lobi maŋidit eretbidjangažaldaga ja váldit dan fas ovdan go ráŋggáštusdubmejuvvon olmmoš beassá olggos giddagasas. Gažaldat sáhttá rievdan dan ektui leago eretbidjan riikkas heivvolaš.

Njuolggadusrievdadusat mat dahkkojit dál, sáhttet dahkat vejolažžan maŋidit maiddái dakkár heivvolašvuođa árvvoštallama gitta jagi maŋŋelii dan rájes go olgoriikkalaš beassá giddagasas olggos.

Ođđa láhkavuođu sáhttá earret eará atnit jus olgoriikkalačča dearvvašvuođadilli ja váilevaš dearvvašvuođafálaldagat ruovtturiikkas dagahit ahte eretbidjan sáhttá leat govttoheames doaibma, seammás go lea duohta vejolašvuohta dasa ahte dearvvašvuođadárbu sáhttá rievdat ovdalgo olgoriikkalaš beassá giddagasas.

Láhkaásahusrievdadus boahtá fápmui čakčamánu 1.b.