Ođđa riskaárvvoštallan ruhtabassamis ja terrorruhtadeamis
Historjjálaš arkiiva
Almmustahttináigodat Solberga ráđđehus
Almmustahtti: Justiisa- ja gearggusvuođadepartemeanta
Preassadieđáhus | Nr: 94 – 2017 | Almmustahtton: 09.10.2017
Ráđđehus almmuha odne ođđa riskaárvvoštallama ruhtabassamis ja terrorruhtadeamis. – Mávssolaš reaidu rihkolašvuođahehttemis, dadjá justiisa- ja gearggusvuođaministtar Per Willy Amundsen (OvB).
Guorahallan geahčada lobihis ruhtarávnnjiid Norggas, ja árvvoštallá ruhtabassama ja terrorruhtadeami áitagiid.
– Sihke ruhtabassan ja terrorismma ruhtadeapmi dahká stuora vahágiid servodahkii, ja leat áittan ruđalaš vuogádahkii. Danin lea dát riskaárvvoštallan hui dehálaš, dadjá Amundsen.
– Dás mii oažžut máhtolašvuođa dan birra mat rihkolašvuođamállet buktet dietnasa, mot háhket ja sirdet ruđaid terrora doarjumii, mat rašesvuođat gávdnojit hehttemis ja almmustahttimis, ja mat suorggit ja aktevrrat ovddastit stuorámus riskka.
– Ráđđehusa strategiija mielde hehttet ruhtabassama ja terrorruhtadeami, boahtte lávki barggus lea fuolahit ahte iešguđet aktevrrat atnet árvvoštallama beaktilis lági mielde, nu ahte ruhtabassama ja terrorruhtadeami vuostálastin eanas dahkko máhtolašvuohta vuođul, dadjá stáhtaráđđi.
Norgga vuosttaš nationála riskaárvvoštallan ruhtabassamii ja terrorruhtadeapmái almmuhuvvui 2014:s, čađahan dihte Financial Actions Task Force (FATF) ávžžuhusa 1. Ođđa riskaárvvoštallama lea ráhkadan viiddis oktiibiddjon bargojoavku, ja politiija- ja áššáskuhttineiseválddi aktevrrat, iešguđet dárkkistanetáhtat, akademiija ja priváhta suorgi leat buktán cealkámušaid.