Ođđa sihkkarvuođaáidi Storskog rádjastašuvdnii

Ráđđehus lea mearridan hukset rádjaáiddi mas galgá leat verrát Storskog rádjastašuvdnii. Schengen-ovttasbarggus leat leamaš ollu hástalusat ja mii háliidat dál čájehit ahte mii váldit Schengen-šiehtadusa hui duođas.

– Maŋimuš áiggi dáhpáhusat leat čájehan ahte mii dárbbašat čielgasit diehtit geat leat Norggas ja geat Schengenis.  Mii buoridat sihkkarvuođa Storskoga rádjaguovllus vai sáhttit dárkkistit geat bohtet min riikii, cealká justiisa- ja gearggusvuođaministtar Anders Anundsen (Ob).

Áiddi ulbmil lea sihkkarastit Norgga eiseválddiid dárkkistandoaimmaid dán rádjaguovllus.

– Mii vuhtiiváldit sihke norgalaččaid ja EES ja Schengen ovttasbargoguimmiid, ja váldit dán barggu hui duođalažžan.

Dábálaččat ii galgga áidi mearkkašahttit nu ollu sidjiide geat rasttildit riikkarájá. Johtolat galgá doaibmat nu go dábálaččat.

Sihkkarvuođaáidi ii huksejuvvo ođasmahttit Storskog rádjastašuvnna, muhto dainna ulbmilin ahte buoridit johtolatsihkkarvuođa rádjaguovllus.