Ođđa universitehta Gaska- ja Davvi-Norgii
Historjjálaš arkiiva
Almmustahttináigodat Solberga ráđđehus
Almmustahtti: Máhttodepartemeanta
Preassadieđáhus | Nr: 54 - 2015 | Almmustahtton: 07.10.2015 | Maŋimuš ođasmahttojuvvon: 09.11.2015
Dál lea juo mearriduvvon ahte Nordlándda universitehta (UiN) ja Nesna allaskuvla (HiNe) galgaba ovttastahttojuvvot. Sii ožžot vel Davvi-Trøndelága allaskuvlla mielde. Ođđajagi rájes ovttastahttojuvvojit Davvi universitehta nammasaš ásahussan.
UiN/HiNe oktasaštivra ja HiNT stivra leat gieskat ávžžuhan ovttastahttit buot golbma ásahusa. Ráđđehus lea otne mearridan ahta dat galget šaddat ođđa universitehtan ođđajagi rájes.
-Lean ilus go ásahusaid gaskasaš ságastallamat leat buktán bohtosiid. Davvi universitehtas leat buot dárbbašlaš eavttut hukset fágabirrasiid oahpaheaddjiohppui ja buohccedivššárohppui. Maiddái akvakultuvrras leat ollu vejolašvuođat dakkár universitehtii mii gokčá stuora oasi Norgga rittus, cealká máhttoministtar Torbjørn Røe Isaksen.
Ásahusat leat ieža árvalan nama Davvi universitehta. Sii čujuhit earret eará ahte universitehta ektui, mii galgá doaibmat viiddis geográfalaš guovllus, namma lea čohkkejeaddji ja identitehtanannejeaddji.
Ođđa universitehtastivrra vuosttas doaibmaáigodat lea ođđajagimánu 1.b.2016 rájes gitta suoidnemánu 31.b.2019 rádjai. Máhttodepartemeanta eaktuda ahte stivrajođiheaddji válljejuvvo olggobeale stivrra ja ahte rektor virgáduvvo, ja áigu hui fargga nammadit miellahtuid olggobealde.
Ovttastupmi lea oassi strukturođastusas – barggus ahte hábmet universitehta- ja allaskuvlasuorgái ođđa struktuvrra.