Historjjálaš arkiiva

Reviderejuvvon našunálabušeahtta 2018

Čohkkánvuordin lea loahpahuvvon, čohkkánsajit main lea vuollegis sihkarvuohta heaittihuvvojit

Historjjálaš arkiiva

Almmustahttináigodat Solberga ráđđehus

Almmustahtti: Justiisa- ja gearggusvuođadepartemeanta

Ráđđehus evttoha heaittihit 250 giddagassajiid main lea vuolit sihkarvuohta. Čohkkánvuordin lea heaittihuvvon, ja ráŋggáštusortnegat elektrovnnalaš dárkkisteami bokte lea lassánan ja váikkuhan unnidit dárbbu giddaga-/čohkkánsajiide main lea vuolit sihkarvuohta.

Ráđđehus lea ovdal dán jagi mearridan ahte ii guhkit láigešiehtadusa Nederlánddain, láigohit čohkkánsajiid, mii nohká borgemánu 31. Beaivve 2018:s. Dárbu čohkkánsajiide, main lea alla sihkarvuođadássi, áimmahuššo dakko bokte ahte gaskaboddosaš čohkkánsajit duppalastojuvvojit Norggas dassái go ođđa giddagas Agderis gárvvistuvvo gaskamuttus 2020:s. Ráđđehus evttoha ásahit 100 duppalsaji 2018:s. 

– Ráđđehus lea garrasit vuoruhan rihkusfuolahusa, mii lea addán buriid bohtosiid. Dál go čohkkánvuordin lea heaittihuvvon, ferte rihkusfuolahusa vuogádat heivehuvvot boahttevaš dárbbuid ektui. Dat lea dehálaš sihke dasa, ahte addit kvalitehta dáfus buori fálaldaga ja atnit servodaga resurssaid buoremus lági mielde, lohká Justiisa-, gearggusvuođa- ja sisafárrenministtar Tor Mikkel Wara (OvB). 

Otná dili ektui, buhtadanbálvalusa plánejuvvon viiddideami ja boahttevaš dárbbuid prognosaid ektui, berre čohkkánsajiid lohku, main lea vuolit sihkarvuođadássi, unniduvvot oktiibuot sullii 250 sajiin. 

Heaittiheamit bohtet vel lassin daidda ovdal dieđihuvvon 120 saji heaittiheapmái go ođđa giddagas huksejuvvo Agderii. 

Čuovvovaš giddagasat leat mearriduvvon heaittihuvvot Agderis: Arendal giddagas, Kleivgrend ossodat, Håvet ja Parkveien, ja Kristiansanda giddagas. Earret eará dan dihte go dárbu sajiide main lea vuolit sihkarvuođadássi lea geahpeduvvon, de heaittihuvvojit Arendal giddagasas, Kleivgrend ja Håvet ossodagat, ovdal go ođđa giddagas Agderis lea gárvvistuvvon. 

Ráđđehusáigodagas lea čohkkánkapasitehta main lea alla sihkarvuođadássi lassánan 316 sajiin. Dat lea ee. geahpedan čohkkánvuordima mii guoská eavttuhis duomuid čohkkámii ollu, ja luvven buoret kapasitehta gokčat politiijaid dárbbuid háldogiddagassajiide. 300 čohkkánsaji vel (netto sullii 180 saji) gárvvistuvvojit Agderis 2020 gaskamuttus. 

Vuordin buhttet eavttuhis duomuid lea geahpeduvvon 1231 duomus geassemánus 2014:s 142 duomuide cuoŋománus 2018:s, ja lea maid buoret kapasitehta dalle gokčat politiijaid dárbbuid háldogiddagassajiide.