Boazodoallošiehtadusa šiehtadallamiid 2023/2024 álggahančoahkkin
Ođas | Almmustahtton: 15.12.2022 | Maŋimuš ođasmahttojuvvon: 19.12.2022 | Eanadoallo- ja biebmodepartemeanta
Eanandoalo- ja biebmodepartemeanta (EBD) ja Norgga boazosápmelaččaid riikkasearvi (NBR) šiehtadallet jahkásaččat jotkkolaš boazodoallošiehtadusa.
Juovlamánu 13. ja 14. beaivvi lei boazodoallošiehtadusa 2023/2024 šiehtadallamiid álggahančoahkkin. Čoahkkimis ovdanbuktojuvvo čielggadeamit ja materiálat maid šiehtadusbealit ledje diŋgon. Dasa lassin lei diehtojuohkin dálá šiehtadusa stáhtusa birra ja áššiid birra mat leat áigeguovdilat ealáhussii.
Boazodoalu ekonomalaš lávdegoddi ovdanbuvttii boazodoalu obbalašrehketdoalu 2021 ovddas, oktan 2022 bušeahtain. Obbalašrehketdoallu lea vuođđun šiehtadallanoasálaččaid ekonomalaš dili árvvoštallamii.
Norgga boazosápmelaččaid riikkasearvi buktá gáibádusas stáhtii bearjadaga ođđajagemánu 6. beaivvi 2023. Stáhta bidjá ovdan fálaldagas bearjadaga ođđajagemánu 27. beaivvi. Šiehtadallamat galget leat loahpahuvvon guovvamánu loahpas.
Stáhta šiehtadallanlávdegotti jođiha Viil Søyland (ekspedišuvdnahoavda eanandoallo- ja biebmodepartemeanttas) ja NBR šiehtadallanlávdegotti jođiha fas Inge Danielsen (NBR:a jođiheaddji).