Historjjálaš arkiiva

Staatebudsjehtte 2019:

Orre gåetie Saemien Sïjtese jaepien 2019

Historjjálaš arkiiva

Almmustahttináigodat Solberga ráđđehus

Almmustahtti: Kulturdepartemeanta

Reerenasse raereste 6 millijovnh kråvnah vedtedh aelkemelåhpan orre museumegåetiem bigkedh Saemien Sïjtese jaepien 2019.

– Orre gåetiem Saemien Sïjtese vihkeles aamhtesen munnjien jïh reerenassese, kultuvreministere Trine Skei Grande jeahta.

– Aarebi daan jaepien eelkimh digkiedidh mejtie aamhtesidie reerenasse edtja Jeløybæjhkoehtimmesne lutnjedh, Saemien Sïjte lea prosjeekte maam mijjieh sïemedibie prioriteradidh. Gellien jaepien dejnie barkeme hijven vuekiem gaavnedidh Saemien Sïjtese. Manne aavodem maahtam aalkoeluhpiem buektedh hijven museumeprosjeektese, mïsse dovne Saemien Sïjte jïh Saemiedigkie jååhkesjieh. Dejnie orre museumegåetine Saemien Sïjte orre mieriekrïevenassh åådtje barkojne åarjelsaemien histovrijem, kultuvrem jïh kultuvreaerpiem reeredh jïh åvtese buektedh, kultuvreministere Skei Grande jeahta. 

Reerenasse raereste aelkemeluhpiem 6 millijovnh kråvnah prosjeektese jaepien 2019 Tjïelte- jïh orrestehtemedepartemeenten budsjehttekapihtele 2445 Stasbygg, påaste 31 Sïejhme prosjeekth aelkiestidh. Statsbygg lea prosjeekten bigkemeåvtehke. Orre museumegåetien åasan mierie lea nænnoestamme 115,3 millijovnh kråvnah. Gåetie maahta gaervies sjïdtedh tjaktjen 2021.