Sáhkkobálvalus álggahuvvo álgoprošeaktan Romssas
Historjjálaš arkiiva
Almmustahttináigodat Solberga ráđđehus
Almmustahtti: Justiisa- ja gearggusvuođadepartemeanta
Preassadieđáhus | Nr: 120 - 2013 | Almmustahtton: 29.11.2013 | Maŋimuš ođasmahttojuvvon: 10.12.2013
Ođđajagimánu 1.b.2014 rájes álggahuvvo sáhkkobálvalus álgoprošeaktan Romssa fylkkas.
Ođđajagimánu 1.b.2014 rájes álggahuvvo sáhkkobálvalus álgoprošeaktan Romssa fylkkas.
–Sáhkkobálvalus lea govttolaš molssaevttolaš fálaldat olbmuide geat eai suitte máksit sáhkuid, cealká justiisa- ja gearggusvuođaministtar Anders Anundsen.
Sáhkkobálvalus lea servodatbálvalus sidjiide geat eai suitte máksit sáhku. Sáhkolaččat geainna eai leat máksinnávccat besset de válljet háliidit go gednet ráŋggáštusduomu sáhkkobálvalusa bokte, dan sadjái go čohkkát giddagasas.
Stáhtaráđđi mearridii otne ahte ođđa § 16 a ráŋggáštusčađahanlágas sáhkkobálvalusa birra fápmuduvvo ođđajagimánu 1.b.2014. Sáhkkobálvalusortnet čađahuvvo vuosttamužžan álgoprošeaktan Romssa fylkkas. Justiisa- ja gearggusvuođaministtar háliida vuos vásihit movt ortnet doaibmá ovdal go bálvalus ásahuvvo miehtá Norgga.