Haddedárkkisteapmi: Submerádjá bajiduvvui 3,5 miljovnna kruvdnui
Historjjálaš arkiiva
Almmustahttináigodat Solberga ráđđehus
Almmustahtti: Eanandoallo- ja biebmodepartemeanta
Ođas | Almmustahtton: 24.02.2016 | Maŋimuš ođasmahttojuvvon: 09.03.2016
Eanadoallo- ja biebmodepartemeanta lea guovvamánu 23.b. mearridan ahte haddeárvvoštallama submerádjá konsešuvdnalága vuođul galgá bajiduvvot 2,5 miljovnna kruvnnas 3,5 miljovnna kruvdnui. Dat mearkkaša ahte haddeárvvoštallama galgá garvit huksejuvvon, konsešuvdnageatnegas eanandoalloopmodagaide mas oastinsubmi lea ođđa submerájá vuolábealde. Rievdadus fápmuiboahtá vajot.
Eanadoallo- ja biebmoministtar Jon Georg Dale lea duđavaš go rievdadus mielddisbuktá ahte unnit opmodagat go ovdal haddedárkkistuvvojit.
– Lea dehálaš lávki rivttes guvlui. Sáhttá movttiidahttit eanet opmodatinvesteremiidda, ja dát láhčá beaktileabbo márkanii gávppašit eanandoalloopmodagaid, dadjá Dale.
- Mana johtočállosii M 2/2016 (norsk)
Stuorradiggi lea proposišuvnna meannudeamis haddedárkkisteami birra mearridan ahte haddedárkkisteapmi konsešuvdnaárvvoštallamis galgá bisuhuvvot, ja lea earret eará bivdán ráđđehusa bajidit submerájá 3,5 miljovnna kruvdnui. Rievdadus haddejohtočállosis čuovvola Stuorradikki ávžžuhusa.
Meroštallamat 2013’ hattiid ja vuovdinloguid vuođul čájehit ođđa njuolggadusaid mielddisbuktit ahte birrasiid 20 proseantta unnit opmodatsirdimiid galgá haddedárkkistit.