Ođđa boazodoallošiehtadusa proposišuvdna meannuduvvon stáhtaráđis
Historjjálaš arkiiva
Almmustahttináigodat Solberga ráđđehus
Almmustahtti: Eanandoallo- ja biebmodepartemeanta
Ođas | Almmustahtton: 18.03.2016 | Maŋimuš ođasmahttojuvvon: 22.03.2016
Ráđđehus lea stáhtaráđis odne dohkkehan Eanadoallo- ja biebmodepartemeantta Boazodoallošiehtadus 2016/2017 proposišuvdnarávvema ja sádden proposišuvnna meannudeapmái Stuoradikkis.
Proposišuvdna selveha šiehtadallanproseassa ja šiehtadallanbohtosa. Dasa lassin lea proposišuvnnas vuđolaš geahčadeapmi ealáhusa ekonomalaš dilis ja boazodoallosuorggi guovddáš politihkkasurggiid geahčadeapmi.
Boazodoallošiehtadusa 2016/2017 šiehtadallamat álggahuvvojedje ođđajagimánu 7. beaivvi 2016. Loahpalaš šiehtadallančoahkkimis guovvamánu 16. beaivvi 2016 bohte šiehtadallanbealit ovttaide ođđa šiehtadusas. Šiehtadus galgá gustot áigodagas suoidnemánu 1. beaivvis 2016 geassemánu 31.beaivái 2017. Ođđa šiehtadusa rámma lea 114,5 millijovnna ruvnno. Dát lea 1,5 millijovnna eanet go dálá šiehtadusas. Váldomihttu boazodoallošiehtadusain 2016/2017 lea ovdánahttit boazodoalloealáhusa ulbmillaš ealáhussan, mii doaibmá márkaniid ektui ja mii lea nanaguoddevaš guhkes áiggi perspektiivvas.