Historjjálaš arkiiva

Ráđđehusa eaktodáhtolašjulggaštus

Historjjálaš arkiiva

Almmustahttináigodat Solberga ráđđehus

Almmustahtti: Kulturdepartemeanta

Juovlamánu 5. beaivvi, seamma beaivvi go ON riikkaidgaskasaš eaktodáhtolašvuođa beaivvi ovddidii ráđđehus Eaktodáhtolašvuođa julggaštusa. Dat galgá leat gulahallama ja ovttasdoaimma vuođđu gaskal eaktodáhtolašvuođa ja ráđđehusa.

Ministerbordet med helse- og omsorgsminister Bent Høie, kulturminister Thorhild Widvey, statsminister Erna Solberg, kommunal- og moderniseringsminister Jan Tore Sanner og barne-, likestillings- og inkluderingsminister Solveig Horne
Ministarat beavdde guoras dás dearvvašvuođa- ja fuolahusministtar Bent Høie, kulturministtar Thorhild Widvey, stáhtaministtar Erna Solberg, gielda- ja ođasmahttiministtar Jan Tore Sanner ja mánáid-, dásseárvo- ja searvadahttinministtar Solveig Horne (Govvideaddji: Wenche Nybo/Kulturdepartemeanta)

- Eaktodáhtolašvuohta lea mearrideaddji oassin measta juo buot servodatsurggiin. Eaktodáhtolaš julggaštus galgá sihkkarastit einnostahttivuođa, rabasvuođa, luohttevašvuođa ja  beasatlašvuođa beroškeahttá guđe departemeanttain váldet oktavuođa. Dat ahte olbmot beroštit ja váldet ovddasvástádusa lagasbirrasis, eastada oktonasvuođa ja hukse searvevuođa. Lea eaktodáhtolašvuohta mii ásaha buoret servodaga, dadjá kulturministtar Thorhild Widvey.

Kulturdepartemeanta dat koordinere ráđđehusa eaktodáhtolašpolitihka. Eaktodáhtolaš julggaštus ii boađe juohke áidna departemeanta suorgepolitihkalaš ovddasvástádusa sadjái. Njunuščoahkkimis leat mielde stáhtaministtar Erna Solberg ja stáhtaráđiid Jan Tore Sanner, Bent Høie ja Solveig Horne.

- Eaktodáhtolašvuohta ásaha ilu, čálggu ja čulbme báikegottiid oktii. Danin lea dehálaš ahte sihke stáhta ja suohkanat láhččojit buriid eavttuid eaktodáhtolašvuhtii, dadjá gielda- ja ođasmahttinministtar Jan Tore Sanner.

- Ollu buorre ja dehálaš dearvvašvuođabargu álggahuvvo eaktodáhtolaš suorggis. Eaktodáhtolaš organisašuvnnat leat sihke álggaheaddjit ja váikkuheaddjit, ja leat mielde geahpideames oktonasvuođa, geasuhit eambbogiid mielde rumašlaš doaimmaide, dikšut iežas beroštumiid ja dagahit olbmuidgaskasaččat buriid gulahallamiid ja deaivvademiid, dadjá dearvvašvuođa- ja fuolahusministtar Bent Høie.

- Eaktodáhtolaš organisašuvnnat dat leat áibbas dehálačča servodagas. Mu áigumuš lea lagas gulahallan eaktodáhtolaš organisašuvnnaiguin. Ovttas mii sáhttit ovdánahttit buriid vugiid movt áŋgiruššat mánáid ja nuoraid,  doaibmahehttejuvvon olbmuid, bearašpolitihkas ja go bargat dásseárvvuin ja searvadahttimin, dadjá mánáid-, dásseárvo- ja  searvadahttinministtar Solveig Horne.

Eaktodáhtolašjulggaštus sáddejuvvo dál gulaskuddamii eaktodáhtolaš suorgái.

Noen av representantene for frivilligheten på toppmøtet mellom regjeringen og frivilligheten 5. desember 2014.
Muhtun eaktodáhtolašvuođa ovddasteaddjit njunuščoahkkimis gaskal ráđđehusa ja eaktodáhtolašvuođasuorggi juovlamánu 5. beaivvi 2014. G.r.: SG stivrrajođiheaddji, Gunn Marit Helgesen, Eaktodáhtolašvuođa Norgga stivrrajođiheaddji Sturla Stålsett, LNU stivrrajođiheaddji Stian Seland, falástallanpresideanta Børre Rognlien, Eaktodáhtolašvuođa Norgga váldočálli Birgitte Brekke ja NFL váldočálli Inge Andersen. (Govvideaddji: Wenche Nybo/Kulturdepartemeanta)