Historjjálaš arkiiva

Ráđđehus árvala doarjut sihkkel- MM Bergenis jagi 2017:s

Historjjálaš arkiiva

Almmustahttináigodat Solberga ráđđehus

Almmustahtti: Kulturdepartemeanta

Ráđđehus áigu 2014 dárkkistuvvon nationálabušeahtas árvalit doarjut jagi 2017 sihkkel-MM Bergenis oktiibuot 30 miljovnna ruvnnuin.

Pressekonferanse om Sykkel-VM i 2017. F.v. byrådsleder i Bergen Ragnhild Stolt- Nilsen, kulturminister Thorhild Widvey, Norges Cykleforbund president Harald Tiedemann Hansen og idrettspresident Børre Rognlien.
Gurutravddas Bergen gávpotráđi jođiheaddji Ragnhild Stolt- Nilsen, kulturministtar Thorhild Widvey, Norgga sihkkellihtu presideanta Harald Tiedemann Hansen ja falástallanpresideanta Børre Rognlien. (Govvideaddji: GOD/Wenche Nybo) Deaddil gova de rahppasa stuorit govva.

Ráđđehus áigu 2014 dárkkistuvvon nationálabušeahtas árvalit doarjut jagi 2017 sihkkel-MM Bergenis oktiibuot 30 miljovnna ruvnnuin.

- Sihkkel-MM leat stuorra ja gelddolaš meašttirvuođagilvvut. Ovddit háve go sihkkelastin meašttirvuođagilvvut dábálaš luottaid mielde lágiduvvojedje Norggas lei 1993:s.  Ráđđehus háliida váikkuhit dasa ahte Norga sáhttá dohkkehuvvot doalloriikan soames riikkaidgaskasaš falástallangilvvuide go ožžot doarjaga rusttegiidda, dadjá kulturministtar Thorhild Widvey.

- Rusttegat gilvvuide; luottat ja birrasat leat juo gárvásat. Čieža vári mat birastit gilvobáikki seammásgo dat lea lahka meara dagaha ahte gilvvut sáhttet šaddat čalbmáičuohcci gilvvut, muhto mii oaidnit maiddái ahte gilvvuin leat earenoamáš hástalusat rusttegiid dáfus eará gilvvuid ektui. Danin áigut mii 2014 dárkkistuvvon nationálabušeahtas evttohit juolludanfápmudusa mas árvalat ahte Stuorradiggi miehtá juolludit oktiibuot 30 miljovnna ruvnno jagi 2017 sihkkel-MM gilvvuide Bergenis, dadjá Widvey.

Juolludeapmi galgá gokčat dárbbašlaš goluid gaskaboddosaš doaimmaide luodda-, dorvvolašvuođa- ja kollektiivajohtolaga oktavuođas, nu movt sii leat ohcan, danin go gilvvuid oktavuođas áigot ávkkástallan guovllus dábálaš ja gávdni luottaid. Juolludeapmi galgá maiddái gokčat politiijaid liigegoluid go sii šaddet giddet ja reguleret máđijaid ja luottaid go gilvvut lágiduvvojit.

- Mii sávvat dát dagaha ahte Bergen suohkan, Hordalándda fylkkasuohkan ja Norgga Sihkkellihttu ohcamuš Riikkaidgaskasaš sihkkellihttui lihkostuvvá, dadjá kulturministtar.