Ráđđehus lea mearridan boahkuid juohkit dihto guovlluide

Informasjon om koronasituasjonen endrer seg raskt og kan derfor være utdatert. 

Sjekk temasiden Koronasituasjonen for siste nytt fra regjeringen, eller Helsenorge.no for oversikt over råd og regler om koronaviruset på samisk.

Ráđđehus lea mearridan ahte dál galget boahkut juhkkojuvvot dihto guovlluide. 24 gieldda, gos guhkit áiggi leat leamaš alla njoammunlogut ožžot 60% eanet boahkuid dassá go buot 18 jahkásaččat leat ožžon fálaldaga válddihit boahkuid.

-Ráđđehusa deháleamos ágga rievdadit boahkuid juohkima lea, ahte mii ovttas beassat johtileappot rahpat servodaga. Dat livčče buohkaide ávkin, dadjá dearvvašvuođa- ja fuolahusministtar Bent Høie.

Ráđđehus mearridii ovddit vahkus ahte boahkut galget juhkkojuvvot guovlluid mielde, muhto dušše dainna eavttuin ahte dat gielddat mat šaddet iežaset boahkuid addit geassemánus ja suoidnemánu álggus, nagodit boahkuhit eanet olbmuid iežaset gielddas suoidnemánu loahpas.

Dearvvašvuođadirektoráhta oaččui bargun árvvoštallat dan ášši gielddaiguin ovttas. Dearvvašvuođa- ja fuolahusministaris lei čoahkkin stáhtahálddašeddjiiguin miessemánu 19.beaivvi, ja loahpalaš mearrádus boahkuid juohkima birra dahkkui  čoahkkima maŋŋil.

Eanaš gielddat leat dieđihan ahte sidjiide lea vejolaš eambbogiid boahkuhit luopmoáiggi, jos vel sáhttá ge šaddat eanet gáibideaddjin.

-Máŋga stáhtahálddašeaddji dadje munnje odne: “Dat šaddá hástaleaddji, muhto jos mii fertet dan dahkat, de mii nagodat.” Mun lean sihke hirpmástuvvan ja giitevaš go gielddat mat šaddet dákkár váttis dillái suoidnemánus nagodit čájehit solidaritehta gielddaiguin mat duođalaččat leat gillán pandemiija geažil, dadjá Høie.

Lagamus áiggis oažžut hui ollu boahkuid, mii dagaha ahte boahkuheapmi lassána buot gielddain.  

-Boahkuheapmi ii galgga gostige bissehuvvot. Muhto ássit boahkuhuvvojit johtileappot vuoruhuvvon gielddain, dadjá Høie.

Ođasmahttojuvvon listu vuođđun
ÁDI lea ávžžuhan guđe gielddat berrejit oažžut eanet boahkuid  geassemánus, guđe gielddat eai dárbbaš eanet boahkkuid ja guđe gielddat berrejit oažžut unnit  boahkuid.  Ráđđehus lea bivdán ÁDI rievdadit listtu dan vuođul mo dilli lea rievdan dan rájes go listu ráhkaduvvui, ja oaččui ođasmahttojuvvon listtu miessemánu 14.beaivvi.  ÁDI ođasmahttojuvvon listu lea vuođđun ráđđehusa mearrádussii ahte juohkit eanet boahkuid guovlluid mielde.

Ođđa juohkin álggahuvvo vuordimis 23. vahkus. Vuoruhuvvon 24 gieldda ožžot sullii 60 proseantta eanet boahkuid go dan maid muđui livčče ožžon, gitta dassái go buot  18 jahkásaččat leat boahkuhuvvon vuosttaš háve. Oslo, Sarpsborg, Fredrikstad ja Lørenskog, mat juo leat vuoruhuvvon, ožžot sullii 40 proseantta eanet boahkuid.

Mearrádusa vuođul ožžot 309 gieldda sullii 35 proseantta unnit boahkuid, go mat sidjiide livčče gullan ássiidlogu mielde, oktiibuot 7 vahku.  

-Mii fertet fuolahit ahte boahkuhanprográmma addá gielddaide einnostanvejolašvuođa ja gávdnat čovdosiid veahkehan dihte daid gielddaid gos dilli lea váddáseamos, dadjá Høie.   

Ráđđehus áigo danne:

  • Addit ÁDIii bargun fuolahit ahte gielddat ožžot dan veahki maid dárbbašit vai nagodit čađahit boahkuheami geassit.

  • Addit Dearvvašvuođadirektoráhtii, ÁDIii ja stáhtahálddašeaddjái bargun čuovvulit daid gielddaid mat leat almmuhan ahte sis leat váttisvuođat boahkuhit buohkaid geat boahkuid livčče galgan oažžut, ja fállat dárbbašlaš veahki. 

  • Addit Stáhtahálddašeaddjái Oslos ja Vikenis (doppe gos buot 24 vuoruhuvvon gieldda leat) bargun gulahallat 24 gielddain, ja iskat makkár veahki sii sáhtašedje fállat vai gielddat nagodit ássiideaset boahkuhit suoidnemánus/borgemánus, ovdamearkka dihte fállat iežaset dearvvašvuođabargiid veahkkin.

Gielddat mat ožžot eanet boahkuid:

Asker

Bærum

Drammen

Eidsvoll

Enebakk

Fredrikstad

Halden

Indre Østfold

Lier

Lillestrøm

Lørenskog

Nannestad

Nesodden

Nittedal

Nordre Follo

Oslo

Rakkestad

Rælingen

Råde

Sarpsborg

Skien

Ullensaker

Vestby

Ås

 

Gielddat mat ožžot boahkuid ássiidlogu ektui (neutrála gielddat):

Aurskog-Høland

Bamble

Bergen

Frogn

Færder

Gjerdrum

Holmestrand

Horten

Hurdal

Kongsberg

Kristiansand

Lunner

Marker

Moss

Nes

Porsgrunn

Ringerike

Sandefjord

Skiptvet

Stavanger

Troandin

Tønsberg

Øvre Eiker