Aktiver Javascript i din nettleser for en bedre opplevelse på regjeringen.no

Stáhtabušeahtta 2020:

Ráđđehus nanne Skattefunn-ortnega

Ráđđehus evttoha rievdadit Skattefunn-ortnega movttiidahttit fitnodagaid eanet investeret dutkan- ja ovdánahttindoaimmaid (DjO). Skattefunn-doarjja lassána dalle 150 miljovnna ruvnnuin jahkásaččat. Ráđđehus maid evttoha eanet doaibmabijuid mat galget buoridahttit ortnega hálddašeami.

- Skattefunn-ortnegis leat buorit váikkuhusat árvoráhkadeapmái mii vuođđuduvvá máhtolašvuhtii, dutkamii ja innovašuvdnii. Danne nannet mii Skattefunn-ortnega, dadjá ruhtadanministtar Siv Jensen (OvB).

Ráđđehus evttoha earret eará lasihit iežas dahkkon dutkan- ja ovdánahttindoaimmaid (DjO) bajimus diibmomáksomeari 600 ruvnnos 700 ruvdnui. Ráđđehus evttoha maid ásahit oktasaš geasusmáksomeari beroškeahttá fitnodatsturrodagas ja bajidit iežas dahkkon dutkan- ja ovdánahttindoaimmaid (DjO) geasusvuođu 25 miljovnna ruvdnui.

Samfunnsøkonomisk Analyse AS lea árvvoštallan Skattefunn doaimma ja sii leat gávnnahan ahte Skattefunn-doarjja árvvosmahttá eanet investeret dutkamii ja ovdáneapmái, ja ahte dat lea mielde loktemin fitnodagaid buvttadanvejolašvuođaid. Árvvoštallanraporta ávžžuha joatkit ortnega, ja lea jámma buktán buoridanevttohusaid. Raportta vuođul sáddii Ruhtadandepartemeanta rievdadusevttohusa gulaskuddamii ovdalis dán jagi. Muhtun evttohusat leat rievdaduvvon gulaskuddancealkámušaid vuođul.

Ráđđehus evttoha maid buoridit dárkkistandoaimmaid ja doaimmaid eastadit ortnega boasttugeavaheami. Maŋimuš jagiid ulbmillaš dárkkistandoaimmat Skattefunn-doarjaga dáfus čájehit ahte Skattefunn-njuolggadusaid berre buoridit.

- Dárkkisteamit leat fuomášahttán váilevašvuođaid čálalaš duođaštusain ja njuolgut verrošemiid. Mii fertet oažžut áigái bures doaibmi ortnega vai dákkár áššiid sáhttá eastadit. Evttohusas leat dárkkistandárbbut vuhtiiváldojuvvon ja ahte ortnet galgá leat álki hálddahuslaččat ja olámuttus smávva ja stuorit fitnodagaide, dadjá Jensen.     

Evttohus mielddisbuktá čuovvovaččat:

  • Iežas dahkkon dutkan- ja ovdánahttindoaimmaid (DjO) geasusvuođđu bajiduvvo 25 miljovnna ruvdnui.
  • Geasusproseanta mearriduvvo 19 prosentii buot fitnodagaide, beroškeahttá fitnodaga sturrodagas
  • Iežas dahkkon dutkan- ja ovdánahttindoaimmaid (DjO) bajimus diibmomáksomearri bajiduvvo 600 ruvnnos 700 ruvdnui.
  • Ollu rievdadusat čađahuvvojit eastadan dihte boasttugeavaheami. Earret eará ráddjejuvvo geasusvuoigatvuohta eará EES-riikkain ostojuvvon DjO-bálvalusain ja dain riikkain geat leat dahkan vearrosoahpamuša dahje diehtojuohkinlonohallanšiehtadusa Norggain.

Skattefunn-ortnet:

  • Skattefunn-ortnega vuođul lea ásahuvvon sierra vearrogeasus dutkan- ja ovdánahttinprošeaktagoluid várás (DjO), maid Norgga dutkanráđđi lea dohkkehan
  • Dán jagi sáhttet smávva ja gaskageardán fitnodagat oažžut 20 proseantta gessosa prošeaktagoluid ovddas ja eará fitnodagat fas 18 proseantta.  
  • Dán jagi lea vearromáksiid golut iežas dahkkon DjO-prošeavttaid dáfus ráddjejuvvon 25 miljovnna ruvdnui ja Norgga dutkanráđi dohkkehuvvon dutkanásahusaid DjO-prošeavttaid supmerádjá lea ráddjejuvvon 50 miljovnna ruvdnui.
  • Ruhtadandepartemeanta lea meroštallan ahte Skattefunn-doarjja šaddá oktiibuot 4,1 miljárdda ruvnnu 2019:s.
Bajás