Jagi 2019 reviderejuvvon nationálabušeahtta:
Geardedivat geahpeduvvo mohtorsihkkeliin
Historjjálaš arkiiva
Almmustahttináigodat Solberga ráđđehus
Almmustahtti: Ruhtadandepartemeanta
Preassadieđáhus | Nr: 40/2019 | Almmustahtton: 14.05.2019
Ráđđehus evttoha geahpedit geardedivada mohtorsihkkeliin. – Dál mii fas geahpedat geardedivada mohtorsihkkeliin, lohká ruhtadanministtar Siv Jensen (OvB).
Geardedivat máksojuvvo go vuosttas geardde registreret mohtorsihkkela. Mohtorsihkkeliid geardedivat mearriduvvo CO2-luoitimiid ja kubihkkasturrodaga ektui. Ráđđehus evttoha dál geahpedit geardedivada sullii 10 proseanttain.
– Mii leat ovdal maid rievdadan mohtorsihkkeliid geardedivada, earret eará joatkán ja buoridan divada birasheivehuvvon divadin, lohká ruhtadanministtar Siv Jensen.
Evttohus mearkkaša ahte mohtorsihkkeliid geardedivat geahpeduvvo go bajidat kubihkkaráji ja vuolidat máksomeriid. Buot máksomearit vuoliduvvojit 4 proseanttain. Viidáset bajidat 125 cm3 sihkkeliid gustončuoggá 225 cm3 rádjai. Gustončuokkis ii rievdaduvvo 900 cm3 sturrosaš mohtorsihkkeliin.
Evttohusa mielde geahpeduvvo mohtorsihkkeliid geardedivat gaskamearálaččat sullii 10 proseanttain. Geahpedeapmi juohke mohtorsihkkelis sorjá sihkkela CO2-luoitimis ja kubihkkasturrodagas. Stuorimus geahpedeapmi proseantta ektui lea mohtorsihkkeliin main lea vuollegis divat.
Geardedivat meroštallojuvvo kubihkkasturrodaga, mohtorbeavttu ja oassedivada ektui dakkár mohtorsihkkeliin main váilot registrerejuvvon luoitindieđut. Dáid sihkkeliidda čađahuvvojit sullii seammalágan divatrievdadusat go mohtorsihkkeliin main leat luoitindieđut.
Rievdadusat gustojit buot mohtorsihkkeliidda mat registrerejuvvojit maŋŋil suoidnemánu 1.b.2019.
Ráđđehus lea ovdal maid rievdadan geardedivada, earret eará jagi 2015 goas divat vuoliduvvui 30 proseanttain ja jagi 2017 goas divat rievdaduvvui birasheivehuvvon divadin.
Loga eanet: