Historjjálaš arkiiva

Differensierejuvvon bargoaddidivat:

Vuoliduvvon divatmáksu máhcahuvvo fievrridan- ja energiijasuorgái

Historjjálaš arkiiva

Almmustahttináigodat Solberga ráđđehus

Almmustahtti: Ruhtadandepartemeanta

EO lea dorjon ráđđehusa ja ráđđehus evttoha fievrridan- ja energiijasuorgái máhcahit vuoliduvvon divatmáksomeari differensierejuvvon bargoaddidivatortnega olis.

Differensierejuvvon bargoaddidivat lea okta mávssoleamos gaskaomiiguin maiguin bisuhit bargosajiid ja ássama boaittobealeguovlluin. Ráđđehus lea juo 2013 áŋgirit gulahallan Eurohpá-kommišuvnnain ja ESA:in oažžun dihte čovdosiid mat Norgii leat dohkálaččat, mas fievrridan- ja energiijasuorgi maid lea mielde.  Ráđđehus evttoha dál máhcahit ortnega dán guovtti suorgái, cealká finánsaministtar Siv Jensen (OB). 

Jagi 2013 rievdadii Eurohpá-kommišuvdna stáhtadoarjjanjuolggadusaid, nu ahte boaittobealeguovlluin ledje ollugat energiija- ja fievrridansuorggis geat eai šat beassan geavahit dábálaš bargoaddidivatmáksomeriid. Ráđđehus álggahii de buhtadandoaimmaid go bargoaddidivat lassánii ođđa suorgespiehkastagaid geažil.  

Ráđđehus lea evttohan Eurohpá-kommišuvdnii rievdadit EO njuolggadusaid, ja miessemánus Kommišuvdna mearridii norgga evttohusaid váldit mielde stáhtadoarjjanjuolggadusaide mat gusket joavkospiehkastagaide.  Dat mearkkaša ahte differensierejuvvon divatmáksomearit váldojuvvojit fas atnui fievrridan- ja energiijasuorggis.

Ráđđehus evttoha máhcahit ortnega ođđajagimánu 1.b.2018 rájes. Máhcaheapmi addá vearrogeahpádusa oktiibuot 585 miljovnna kruvnnu ovddas, ja 488 miljovnna kruvnnu ovddas mii bušeahttajagis girjejuvvo.