Ráđđehus áigu joatkit barggu huksenprošeavtta ovttastahttima Guovdageainnus
Historjjálaš arkiiva
Almmustahttináigodat Solberga ráđđehus
Almmustahtti: Máhttodepartemeanta
Preassadieđáhus | Nr: 95-20 | Almmustahtton: 12.05.2020
Ráđđehus várre guhtta miljovnna ruvnno 2020:s bagui joaktit Sámi joatkkaskuvlla ja boazodoalloskuvlla, ja Sámi nationála teáhtera ovttaslokaliserema Guovdageainnus.
– Mii leat ilus beassat ovddas guvlui prošeavttain dál juo. Čohkket joatkka oahpahsua ja teáhtera seamma robi vuollái lea juoga mainna mii boahtit bargat viidáseappot. Danne várret mii guhtta miljovnna ruvnno álggahit prošekterenbarggu. Skuvla lea earenoamáš ja deaŧalaš oahppofálaldat sámi fágain. Ođđa visti gosa čohkke sámi oahpahusa- ja kultuvrra lea positiivvalaš sihke sihke nuoraide ja rávis olbmuide Guovdageainnus, lohká máhtto- ja integrerenministtar Guri Melby.
–Sihke joatkkaskuvla, ja sámi nationála teáhter, leat nanu ovddasduvdit sámi identitehta ja kultuvrra ovdánahttimii. Dat lea deaŧalaš arena geavahit, ovdánahttit ja nannet sámi giela ja kultuvrra. Beaivváš lea earenoamáš ja guovddáš sámi kultuvraásahus, dadjá kultuvra- ja dásseárvoministtar Abid Q. Raja.
– Ovttaslokaliseremis leat guhkes áiggi positiiva váikkuhusat, sihke ásahusaide alcceseaset, ja báikkálaš servodahkii Guovdageainnus, muhto maiddái olles sámi birrasii, dadjá guovlo- ja digitaliserenministtar Linda Hofstad Helleland.
Ráđđehus lea bidjat evttohan guhtta miljovnna ruvnno prošekteremii 2020:s. Joatkevaš prošeaktaovdánahttimis galget iešguđetlágan vuogit movt sáhttá álkidahttit geahčaduvvot. Seammás galget gollovuolideamit árvvoštallojuvvot go buohtastahttá čovdosiiguin mat leat geahčaduvvon dan rádjái.