Historjjálaš arkiiva

Ráđđehus álggaha Norgga vuosttas elliidpolitiijaprošeavtta

Historjjálaš arkiiva

Almmustahttináigodat Solberga ráđđehus

Almmustahtti: Eanandoallo- ja biebmodepartemeanta

Eanadoallo- ja biebmodepartemeanta lea ovttasbarggus Justiisa- ja gearggusvuođadepartemeanttain vuoruhan vuostálastit elliidčálgorihkolašvuođa. Departemeanttat leat ovttasráđiid jođihan bargojoavkku mii lea árvalan doaibmabijuid vai politiija buorebut nákce vuostálastit elliidrihkolašvuođa.

− Deháleamos doaibmabidju lea elliidpolitiija-álggahanprošeakta. Prošeavtta doaibmaguovlu  galgá leat Lulli-Trøndelága politiijaguovllus, ja dat mielddisbuktá ahte mii sáhttit ráŋggáštit ja dubmet sin geat barget vearredaguid elliid vuostá. Dat sáhttá maid eastadit veahkaválddálašvuođa ja illástemiid olbmuid ektui. Dávjá lea nu ahte sii geat illástit ja vaháguhttet elliid  sáhttet maid dahkat dan mánáid, ovttasássi ja earáid sivatkeahtes olbmuid vuostá, cealká eanadoallo- ja biebmoministtar Sylvi Listhaug. 

 

Neahtta-tv Nett-TV: Styrker innsatsen for bedre dyrevelferd

Geahča sáddaga dás

Geahča sáddaga dás

Elliidpolitiijaprošeavttas lea iežas elliidrihkolašvuođa bargojoavku erenoamáš válljejuvvon olbmuiguin geat galget politiijaide veahkkin hehttemis vearredaguid čuozakeahttá eará  politiijabargguide. Guovlulaš Biebmobearráigeahčču vuođđuda maid sierra rihkolašvuođajoavkku mii galgá ovttasbargat politiija elliidrihkolašvuođa bargojoavkkuin.

Elliidpolitiijaprošeavtta ulbmil mii álggahuvvui čakčamánu 1.beaivvi, lea ahte duođalaš kriminalitehta elliid vuostá galgá sáhttit ráŋggáštit ja dubmet.

Eará dehálaš doaibmabidju eastadit rihkolašvuođa elliid vuostá lea geatnegahtti ovttasbargošiehtadus Biebmobearráigeahčču ja politiijasuorggi gaskka. Šiehtadus geatnegahttá dan ahte čoahkkimat Biebmobearráigeahčču ja politiijasuorggi gaskka šaddet bistevaččat ja nu ahte ovttasbargu dađistaga ovdána.

Preassakonfereanssas, gurut rávddas: sátnejođiheaddji Ståle Norang, eanadoallo- ja biebmoministtar Sylvi Listhaug, justiisa- ja gearggusvuođaministtar Anders Anundsen, ruhtadanministtar Siv Jensen ja Biebmobearráigeahčči hálddahuslaš direktevra Harald Gjein.
Preassakonfereanssas, gurut rávddas: sátnejođiheaddji Ståle Norang, eanadoallo- ja biebmoministtar Sylvi Listhaug, justiisa- ja gearggusvuođaministtar Anders Anundsen, ruhtadanministtar Siv Jensen ja Biebmobearráigeahčči hálddahuslaš direktevra Harald Gjein. Govva: Neahtta-TV ráđđehus.no