Rovdata lea almmuhan ođđa gonagasgoaskinloguid

Almmustahttináigodat Solberga ráđđehus

Almmustahtti: Dálkkádat- ja birasdepartemeanta

Rovdata ođđa raporta čájeha ahte vihtta maŋimuš jagi leat leamaš 963 gonagasgoaskin pára Norggas. Dát logut leat vuollelis daid loguid mat leat riikkadásis, namalassii 850-1200 gonagasgoaskin pára.

Gonagasgoaskin Govven
Gonagasgoaskin Govven Govva: Tine Marie Hageli

Rovdata lea otne almmuhan raportta mii čájeha ođđa gonagasgoaskinloguid. Oktiibuot leat kártejuvvon 1260 gonagasgoaskinterritoria gos leat sullii 2900 gonagasgoaskinbessensaji. Raporta árvvoštallá ahte sullii 963 territorias leamaš okta dahje eanet gonagasgoaskin pára unnimusat oktii 2010 rájes gitta 2014 rádjai.

Stuoradiggi mearridii boraspirešiehtadusas 2004 ahte riikka dásis galggai lohku 850-1200 gonagasgoaskin pára.   Dat logut ledje dan áiggi rivtteslogut.  

-Lea dehálaš oažžut rivttes gonagasgoaskinloguid vai lea vejolaš čuovvolit boraspirešiehtadusa 2011 ja nállesturrodaga  sihkkarastit, cealká Dálkkádat- ja birasministtar Tine Sundtoft.

Gonagasgoaskin lea 2012 jagi rájes oassin nationála boraspire vákšunprográmmas, masa gullet maid albbas, geatki, ruškes guovža ja gumpe. Gonagasgoaskima vákšun lea guovtti oasis. Dál lea earuhit ekstensiiva vákšuma, mii dahkkojuvvo territoria njealjádas oasis, ja intensiiva vákšun 11 guovllus man ulbmil lea addit  representatiiva gonagasgoaskinloguid Norggas.

Dálá meroštallamat norgga gonagasgoaskinnális dahkkojuvvojit ođđa ja buoriduvvon metodihka vuođul, mii mielddisbuktá ahte ii leat šat nu álki buohtastahttit ovddeš loguiguin.

-Lea dehálaš ahte hálddašeapmi dahká mearrádusaidis almmolaš dieđuid vuođul. Ođđa dieđut čájehit ahte gonagasgoaskinlohku lea Stuoradikki mearriduvvon rámmaid siskkobealde, ja viidáset hálddašeapmái leat dat dehálaččat, dadjá Sundtoft.

Loga eanet gonagasgoaskinloguid ja -vákšuma birra Rovdata siidduin.

Raportta sáhtát viežžat dáppe pdf.hámis.