Lohpi geavahit vearjjuid
Historjjálaš arkiiva
Almmustahttináigodat Solberga ráđđehus
Almmustahtti: Justiisa- ja gearggusvuođadepartemeanta
Preassadieđáhus | Nr: 76 – 2014 | Almmustahtton: 21.11.2014 | Maŋimuš ođasmahttojuvvon: 12.12.2014
-Justiisa- ja gearggusvuođadepartemeanta lea addán lobi geavahit vearjjuid politiijaide barggu oktavuođas ja go sis leat bargobiktasat badjelis dan sivas go lea dárbu fuolahit politiija sihkkarvuođa ja johtilis doaibmanávccaid. Nu doarjjun mun Politiijadirektoráhta fágalaš árvvoštallama ahte álggahit doaibmabijuid Politiija sihkkarvuođabálvalusa ja Oktasaš kontraterrorguovddáža ođđa áittaárvvoštallama vuođul golggotmánu 31.b., cealká justiisa- ja gearggusvuođaministtar Anders Anundsen.
Justiisa- ja gearggusvuođadepartemeanta lea Politiijadirektoráhtas ožžon ávžžuhusa ahte mieđihit vearjogeavaheapmái. Ávžžuhus boahtá Politiija sihkkarvuođabálvalusa (PST) ja Oktasaš kontraterrorguovddáža (OKTG) ođđa áittaárvvoštallama vuođul.
-Áittaárvvoštallamis lea earret eará politiijabargoveahka terrordaguid ulbmiljoavku. Politiijadirektoráhta lea árvvoštallan dán áitaga politiijabálvváid vuostá nu duođalažžan ahte gustovaš vearjogeavaheapmi ii leat šat dohkálaš, dadjá stáhtaráđđi.
-Ráđđehus lea árvvoštallan direktoráhta ávžžuhusa, ja otne lean mieđihan ahte politiijat go leat gárvodan politiijabiktasiiguin ožžot njeallje vahku geavahit vearjjuid jos erenoamáš dilálašvuohta dan gáibit sihkkarastit politiija sihkkarvuođa ja doaibmanávccaid, cealká justiisa- ja gearggusvuođaministtar Anders Anundsen.
Departemeantta mieđiheapmi mearkkaša ahte politiijat gean leat politiijabiktasat badjelis kategoriijas IP 1, 3 ja 4 ožžot guoddit pistovlla beaivválaš barggus. Eaktuduvvo ahte politiija dađistaga čađaha dárbbašlaš doaibmabijuid geahpedan dihtti vearjogeavahandárbbu. Lohpi addojuvvo politiija vearjoinstruvssa § 10 vuosttas lađđasa, bustáva d vuođul.